وخده اعرفها تقول واحد قريبهم اشتري وايت مويه صناعته الماني اشتراه مستخدم ب 90 الف او 80 الف وجاب له سواق سوداني المهم دخله بالشهر 22 الف وتقول قريبهم زعلان من الدخل يقول المفروض اكثر بس شرط لازم يكون في رجال يتابع العامل علشان لايسرقكم نفس الرقم الي تحطينه علي الوايت لازم يكون معاكم مو مع العامل وخاصه الاحياء الي مافيها مويه والله يبارك لك فيها يارب

أنا دخلت بالفوركس بمبلغ بسيط 250$ قبل يومين مع شركة يوتي ماركتس utmarkets والله ولي التوفيق من بعد تردد كبير وافكار كثيرة قررت ونشاءلله كل شيء سوف يكون على مايرام معها :) واضح انها شركة صاحبة مصداقية عالية ..

شوفي اي مشروع بتسوينه وانت ما معك خبرة بيكون مغامرة لك
انت عندك فلوس ، والفلوس تحتاج خبرة توجه هالفلوس والا بتروح عليك
باختصار اذا عزمتي تبدين في مشروع لا تسوين المشروع مباشرة
روحي تعاوني وابحثي مع صاحبات نفس الشغلة واذا بتجربي جربي بمبلغ بسيط خمسة الاف عشرة قبل ما تحطي الباقي وشوفي وش مشاكلهم وش انتي مسوية حلول لهالمشاكل
واذا كان بتتاجري في بضايع فيبغالك الخبرة اللي تخليك تختاري السلعة المناسبة وهالشي يبي له سنين
نصيحتي لك
استقدمي عاملة وخليها تتعلم تصوير وشغليها بالاعراس
ما راح تكلفك واجد ومبلغها بسيط
،

او افتحي حضانة او روضة بحيكم ، تراها شغلة طيبة ومضمونة بس يبي لها شريكات معهم مبلغ كويس ويقدروا يديروا هالمكان لانه مسؤولية

اذا تبين تبدى في مشروع يكون في مجال واحد بس
يعني مثلااا عمل تنانير للمدرسات يكون بس تنانير لاغير وابدعي فيها
بكذا تنجحي فيها لانه بيكون اهتمامك في نوع واحد

الافكار المعروضة كبيرة وبعض البنات يفكرو مية الف تسوي هالمشاريع والله استخراج رخصة البلدية وتنفيذ شروطها باي مشروع يوصل معك لثلاثين الف وفيه بعض البنات يجيبو افكار بس يبيلها يد عامله واليد العامله لازمها فيزا والفيزا يبلها محل رسمي مفتوح والمحل اللي بينفتح رسمي صدقيني مابيكفيك مية الف ريال انا كان معي مية وخمسين الف والبيت شريته عن طريق البنك وفتحت مشروعي بالدور الارضي منه والله على تنفيذ شروط البلدية وتاثيث المكان طارت الفلوس قبل ابدا واجيب عماله ووقفت اي مشروع لازمة مبلغ كبير اقله ثلاثمائة الف الى خمسمائة الف لانه حتى لو انفتح المشروع لازم يكون معك باقي من الفلوس عشان اول سنتين مابلتقي المكسب الكبير فوجود الفلوس شئ يدعم المشروع ويضمن استمرارة لاتغامري باي مشروع وتسوي مثلي فكري صح ولو لقيتي شريكة بالمكان افضل لك بس تكون ثقة او لاتفتحي محل بل تاجري بخمسة عشر الف بالتعامل مع مصانع بيع بالجمله لو عندك قدرة على تصريف البضاعةةاو تعرفي مكان محتاج لبضاعتك وممكن تمشي فيه ولاتشتري بضاعة بالجمله قبل تتاكدي من وجود طلب عليها عشان ماتتورطي ولو عجزتي تلاقي فكرة خلي المبلغ بحسابك ولاتقربي له احسن لك من انه تحطية بمشروع غير مضمون ويطير