تكفن بااااقي أسبوعين بس

اهلين حبيبتي ياعمري الموضوع سهل وسعي صدرك عادي اللي يريحك البسيه بس الاغلبيه هينا عبايات ملونه واسكارف واذا تبين عبايه سوداء مافي اي مشكله هينا كثير مسلمين ويلبسون عبايات سوداء وبالسعوديه محلات كثير تبيع عبايات السفر برى روحي لها الله يسهل امرك وتجين بالسلامه يارب

شوفي هذا ردي سابقاً لوحده من الاخوات ان كنتي بالرياض بيفيدك ،،

وعليكم السلام حبيبتي 🌹
يسعدني ارد عليك من خلال تجربتي شوفي حبيبتي انا من الرياض وفصلت عباياتي من محل في طيبه ومحلات العبايات وش كثرها هناك الشيخ والمتميزه اخذت عباياتي من المتميزه وبعد تقدرين تاخذين اي قماش يعجبك وتفصلينها عند اي خياط سفرتي الاولى كذا سويت وطلعت ممتازه بس هالمره فصلتها محل في طيبه عطيتهم مقاسي واخترت القماش عندهم وفصلتها وبالنسبه للإسكارفات الملونه اخذتها مناسبه لالوان عباياتي بعد من طيبه محلات كثييييره بس دوري الالوان اللي تمشي مع عباياتك وبالنسبه للربطه اللي تحت الاسكارف اخذتها من محل متخصص للإسكارفات المحل نسائي في مركز نجود خلف فندق الانتركونتينتال القطعه ب25 ريال بالالوان اللي ابيها وبس اتمنى اكون افدتك حبيبتي ..

اعملي بحث في دا القسم نلفي مواضيع كثير
لا تشيلي هم العباية ابد
لو لابسة عباية ع الراس محد يعترض
وكل شي موجود لا تكثري عفش
الله يسهل عليكً سفرتك

ها اختي مثل ماذكرو لك البنات
لاتشيلين هم
بعدين مدتك قصيره خذيها كنك رايحه تتمشين
ولا تكثرين عفش بس الضروري نصيحه
انا والله مو في استراليا بس خلاص العرب وصلو كل الاماكن والجاليه المسلمين بعد مثل الباكستانيين والهنود
يعني الي ينقصك بتحصلينه
وبالنسبه لضروري قدر الضغط وبهاراتك
والعود والمعمول ومبخرتك
البيالات والفاناجيل وزمازمك وابريق تفويح القهوه
تمر
سجادتك ومصحفك
الهيل والزعفران
وان شاء الله اكون قربت لك

حبيبتي نسيت اقولك مدة 3 شهور بسيطه لاتشيلين هم ولاتكثرين عفش اهم نقطه .. انا في استراليا وكل شي موجود ومافي مشكله ناحية الحجاب توكلي على الله الله يسهل امرك ..