خبر ما أدري صدق و إلا كذب و إلا عشم إبليس في الجنة

السلام عليكم و رحمة الله و بركاته

ياهلا و غلا بالجميع

أول شيء ردوا السلام كتابياً لو سمحتوا ( ليش ؟ ) لأن السلام سنة لكن رده واجب ولا تضيعون واجب فيه من الأجر أكثر مافي السنة .. غير كذا رد السلام كتابياً يكثر شهودكم عند الله ( أصابيعكم والكيبورد و عيونكم ووووووووو) غير كذا إفشاء السلام من حقوق المسلمين على بعض <<<<< أكيد ودكم تقولون يا كثر هذرتها ... يا الله ما علينا ... هاتي الزبدة

ثاني شيء سلامتي و سلامتكم من إنه نكون مثل إبليس ... لكن هذا مثل دارج <<<< صايرة مثل حبابة

ثالث شيء : و أنا أتمشى اليوم بين هاالمواقع <<<< ويش أسوي من زود الطفش قلت أروّح عن رويحاتي شوي
لقيت لكم هالخبر السنع عن شركة الإنفصالات ( أقصد الإتصالات ) من كثر ماهبلوا بي في فواتيرهم.... قلت ألقى شيء زين و ما أجيبه لحبيباتي ( حتى و لو هو وهم ) ؟!!!
المهم أخذت هالخبر و جبته وياي ... إن عجبكم و صدقتوه مثلي ( خبركم على نياتي أصدق كل شيء ) خير وبركة و إن ماعجبكم انطلوه ( اللي معناها ارموه على جنب ماهي الثانية حقت أفكر فيك اللي تعني اسرقوه) لين تشوفون يمكن يطلع صدق

ويش يقول الخبر ... تسمعوا زين للمذيع و يش يقول

أخواني و أخواتي الأعزاء : <<<< هذول أنتم ( وتروا أعزاء عنده و عندي )

الخبر الاول : مصدره (جريدة عكاظ) : <<<<< يمكن تأليف !!!!!!!

خدمة الانترنت مجاناً قريباً ... <<<<<< إنطر يا.....لين يجيك .... و حشاكم

كشف مختصون بشركات الانترنت بالمملكة لـ(عكاظ) عن وجود توجه لدى مدينة الملك عبدالعزيز للعلوم والتقنية لاطلاق خدمة الانترنت مجاناً في غضون الشهور القليلة القادمة. <<<<< الشهر عندهم ماهو بمثل شهرنا اللي نعرفه يعني ماهو الشهر = 365 يوم مثل ما كلنا نعرف .... لا عندهم أزود
وقالوا لـ(عكاظ) <<<< سالفة الذكر
إنه في حال إقدام المدينة على تطبيق هذه الخطوة أسوة بما تم العمل به في بعض الدول المجاورة ستُلغي قيمة الاشتراكات التي تتقاضاها المدينة من المشتركين في الوقت الراهن والتي تتراوح بين 125-140 ريالاً للشهر المفتوح و80-90 ريالاً للاشتراك المقيد بـ 40 ساعة. <<<< هم بعد ساعتهم أزود
وكانت شركات الانترنت قد تلقت مؤخراً خطابات من مدينة الملك عبدالعزيز تتعلق باعتزامها تخفيض قيمة الاشتراكات لتتزامن مع الخطوة التي اتخذتها مؤخراً بتحديد قيمة الاشتراك الشهري المفتوح بنحو 100 هللة للساعة الواحدة عوضاً عن 110 هللات حالياً. <<<< انتبهوا الهللة حقتهم تعني ...... علشان كذا الفاتورة تجيك = 455678899 هللة

انتظروا لا تروحون


الخبر الثاني:


اعلنت شركة الاتصالات السعودية انها ستضيف أجهزة جديدة متطورة جدا
لخدمة الأنترنت <<<<< من وين ؟

وستصبح خدمة الأنترنت السعودية الأفضل (باذن الله) <<<<< عشم .... بس أحلى مافيهم إنهم قدموا المشيئة و هي اللي خلتني أصدق و أتعشم

على مستوىالشرق الأوسط <<<<<< بس على ها المستوى تروا

من حيث سرعة التصفح و سهولة الاتصال

وسيكون ذلك بعد شهرين تقريبا ( باذن الله )<<<<<< هيا احسبوا اليوم كم في الشهر ؟
من جهة أخرى يجري الآن تغيير بعض المقاسم القديمة ( انالوج )

الى مقاسم حديثة (ديجيتال )مما سيساعد على تقديم أفضل خدمة<<<< علشان يصير الخبر كنه صدق يدعمونه بالعنجليزي

خويتكم اللي كل ما فرت بها المواقع بتجيب لكم أشياء سنعة إن شاء الله ... الأجودية