أفيدوني بـ أفضل طريقتين لعمل المجنات _ ورق العنب

.. أحبكم .. :

عشان ينجح العجين لازم تطولين شوي في العجن وهذي القاعده اخذتها من المنتدى وهذي مقادير عجينتي 3 كاسات دقيق 3 ملاعق حليب بودرة فنجال سكر بيالة زيت كاس ونص ماء دافي ملعقة ونص خميرة ملعقة باكنج بودر ذرة ملح واحايانا اضيف عليها 3 ملاعق زبادي وأقلل من المويه اعجنيها وحاولي ترفعينها وتخبطينها عشان يدخلها هوى وغطيها وخليها لمدة ساعة وبعدها استخدميها وبتدعين لي :) اما بالنسبة لورق العنب الحشوة مافيها مقادير معينة بالنسبة لي: احمس بصل وثوم مقطع صغار في زيت ثم اضيف عليها طماط مخلوط واضيف شوي صلصلة واخليها تتسبك شوي ثم اضيف الرز واحركهم شوي واضيف ملح وبهارات وشوي كركم وفلفل واقطع كزبرة وبقدونس وشبث مفروم واضيفها في الاخير واخلي الحشوة تبرد بعدها استخدمها طبعا انا احط رز بسمتي << بالنسبة لي ألذ ويعطي طعم أحلى و ورق العنب مالي نوع معين كل مرة اجرب شي افكه من العلبه وأغسله كويس بعدها اخليه يطبخ على النار عشر دقايق واخليه يبرد ثم ألـفه بالحشوة وعشان طعمه يثبت لاتضيفين بطاطس في القدر حطي حلقات بصل وطماط وفصوص ثوم ورشي عليهم شوي بهار وبعدها رصي الورق عنب فوقهم على القدر واطبخيه بماء حار مخلوط بشوي صلصة وزيت ومدة الطبخ بين ساعة الى ساعة ونص واذا استوى خليه في القدر لين يبرد بعدها طلعيه وصبي عليه زيت زيتون وعصير ليمون وبالعافيه عليك

عشان ينجح العجين لازم تطولين شوي في العجن وهذي القاعده اخذتها من المنتدى وهذي مقادير عجينتي 3...