اهلين كروشان يلا عقبالكم كلكم تولدو و+لاده سهله وميسره باذن الله
مني مصدقه اني حاكتب لكم قصه ولادتي اول شي احب اشكر كل البنات اللي افادوني صراحه بالنصايح والمعلومات اللي اخدتها منكم وعن جد في اشياء كتير ماكنت اعرفها وعرفتها عندكم ومره مره استفدت منكم ...
خليني ابداء القصه
انا كنت متوقعه اني حاولد في بدايه التاسع بس للاسف خاب ظني بظني خخخخخخخخخخخخ المهم
لمن بقيلي اسبوع واخلص التاسع قررت اني اولد عند اهلي فجده وفعلن ننزلت جده لاني انا اتجوزت وعايشه في الطايف <<ادعولي انقل جده
المهم نزلت وكان باقيلي يومين واخلص التاسع انا هنا قلت شكلي مطوله وجاء جوزي واهلو جده علا اساس يغيرو جو ويشترو اغراض واخدو شقه ورحت انا معاهم اتمشى ورحت السوق وسرت امشي مشي مو طبيعي
عارفه اني طفشتكن حكيت قصه حياتي:42:
دحين نبداء من جد
صحيت الصباح علا اللم غريب في بطني وظهري الم كيف اوصفو كانو الم دوره مع اللم مغص قمت امشي في الغرفه ومني قادره انام صحيت جوزي وفطرنا وبعد مافطرت راح الالم رجعت نمت اليين الساعه 4 العصر صحيت وام جوزي تقولي وجهك باين انو ولاده يعني حاولد اليوم او بكره المهم خرجنا ورحنا السوق رحت انا وجوزي علا اساس نطلع نتغدى واهل جوزي يشترو الاغراض اللي يبغوها سرت امشي شويه ويجيني الام واوقف وعلا دا الحال اللين بعد ماتغديت رحت شكيت انو طلق قلت خليني احسب والام كان يروح ويجي كل بعد 5 دقايق كلمت ماما قالت بينزل منك شي قلتلها لا المهم ماما مسكينه قلقت عليا كل شويه تتصل عليا تطمن ..
المهم الساعه12 رجعت البيت وكنت مره تعبانه من الام واحس بتعب غريب دخلت ابغى انام علا الساعه2 وسار بيني وبين جوزي .............. (انتو عارفين ) ولمن خلصت وجيت امسح بالمنديل الاقي شي احمر فاتح في المنديل خفت شكيت فنفسي رجعت مسحت تاني طلع الموضوع من جد سرت ابكي واقول لجوزي انا حاولد خلاص مسكين سار كده شكلو:blink: ههههههههههه وماتكلم ولا كلمه
بعدين قلي ايش نسوي دحين اوديكي المستشفى قلت لا وديني عند ماما ووداني مسكين حزني مره كان مفجوع رحت عند ماما استحميت وشربت ورق التوت وخلطه الحليب واذن الفجر وصليت الفجر وصليت الاستخاره ودعيت ربي انو يسهل ولادتي وييسرها
شويه كده جاء جوزي ورحنا المستشفى كشفت كان فاتح 2 سانتي قالتلي روحي امشي اللين الساعه 11 وتعالي سرت امشي من الساعه 7 اللين الساعه 11 ومره تعبت والطلق يروح ويجي رحتلها سار فاتح 4 سانتي وطلعتني علا الكشك وجلست في شويه اسمع صوت اتنين يصرخووالله خفت مع اني ماكنت خايفه بالمره بس لمن سمعتهم يصرخو دمعت عيوني وقلت يارب ماولد اليوم هههههههههه ابغى اهرب من الخوف شويه كده سرت اخرج عند ماما وجوزي وارجع ادخل اليين الساعه 6 المغرب كشفت طلع فاتح عندي 5 وحطولي التخطيط وجوزي اتصل عليا قال لعد تطلعي اجلسي جوا وريحي نفسيك قلتلو طيب وقفلت وانا لسه باقول فنفسي والله لاطلع بس خليهم يفكو التخطيط ويجيكم داك الطلق واسمع شي غريب فبطني وتنفك المويه وسرت انادي السستر تعالي ماترد مره عصبتني انا سرت ارتجف وركبي تتخبط فبعضها قلت جاك الموت ياتارك الصلاه وربي مره خفت جات كشفت لقتو فاتح 5ونص ودخلوني غرفه الولاده وانا ارتجف وسرت ماقدر امشي والسستر مسكينه خافت عليا وسارت ماسكتني دخلت علا غرفه الولاده غيرت ملابسي ولبست اللبس المشخلع حقهم وانسدحت وركبولي التخطيط اللي يجيب الحكه هههههههههههه وسرت استنى واستنى اللين زاد الطلق والحريم يصرخو عاد انا بكريه اول مره فحياتي سرت ابكي واتصل علا ماما واقلها ابغى اولد قيصري ونا ابكيي وماما مسكينه تبكيي وتقولي اتحملي معليش وبابا كلمني برضو نفس الشي يقول اتحملي والمصيبه الاكبر لمن اعطاني جوزي انا قدام جوزي اضعف مرره بكيت زياده وجوزي سار يبكي يقلبي عليه المهم محد راضي اني اولد قيصري جات السستر وقررت اني اقولها من غير محد يدري وقلتها سستر انا ابغى اولد قيصري جابت دكتور وانا مع الام ماحطيت طرحه علا راسي المهم قلي نعطيكي ابره مسكنه واعطاني هيا احلا مافيها انها تخليني انام ولمن يجيني الطلق اقوم انقز والحمد لله ماصرخت ولا شي ورجعت كشفت لقتو 7 سانتي وبعد ساعتين سار 10 سانتي ونومتني علا جمبي وقالت دفي بس لمن يجيكي الالم وكل مايجيني الام ادف جات وقالت يلا وانسدحت و3 سسترات عليا دفي يلا ومدري ايش ماكانو يبغويشقوني اللين فقدو الامل وشقوني ودفي ومادفي وجات وحده طيرت رجولي واحد فوق والتاني تحت وربي مصراعه وتفعيص في البطن وعند خرجت الراس صرخت صرخه خنفشاريه لدرجه ماما واخت جوزي سمعو صوتي وانا اصرخ اها نسيت اقلكم قبل ماولد بشويه في وحده تصرخ وتخبط في السرير وتنادي السسترات ماما سمعتها مسكينه تحسبها انا ولمن اتصلت طلعت مو انا ههههههههه مسكينه انخرطت المهم ولمن طلع الراس ارتحت وحطو بنتي علا صدري وانا اقلهم شيلوها واصرخ خفت تطيح وانا ماقدرت امسكها قرفت منها كلها دم المهم شالوها واخدت الكمام وسرت اشفط واشفط وانا سرت زي السككرانه ودخل الدكتور للمره التانيه بس وانا فحال الله يستر عليا بس المهم خيطوني وانا مره علا الاخر نعبانه ودايخه واقول كلام مادري ايش هوا ههههه
وعلا طول اتصلت علا ماما قلتها ولدت وشويه طالعه واعطتني جوزي وقلتلو انا ولدت خلاص وقفلت السماعه فوجهو ونمممممممممممت وطلعوني بعلا الساعه 3والعيله كلها ورايا وجوزي شكلو يضحك مسكين تعبان وشعرو منفش التوب حالتو حاله وطاير من الفرحه وكان شويه ويبوسني بس استحى عشان ماما موجوده
وانتهت قصتي انا عارفه اني طولت الحكايه وطفشتكم
جبت احلا ريتال يوم الاحد 20-8الله يخليها ليا ولابوها
وعقبال الكروشات
بنات عندي سؤال يحيني اللم غريب اسفل بطني لمن اروح الحمام( الله يكرمكم) هل دا شي طبيعي انا دحين سارلي اسبوع في النفاس؟؟
aram @aram
عضوة نشيطة
يلزم عليك تسجيل الدخول أولًا لكتابة تعليق.
aram
•
هههههههههههههه الف الحمدلله ع سلامتك ومبروك الورده الحلوه والله يرزقك برها>>>دخلت جو مررررره الله يهنيك ويشفيك وبالنسبه للي يالمك>>>>مافهمت عليك>>>>>>>>>>>(:هههههههههههههه الف الحمدلله ع سلامتك ومبروك الورده الحلوه والله يرزقك برها>>>دخلت جو...
الله يسلميك :42:
يعني بيجني اللم غريب مادري كيف اوصفو كانو شي بينفجر شي يفعص اسفل البطن زي كده
يعني بيجني اللم غريب مادري كيف اوصفو كانو شي بينفجر شي يفعص اسفل البطن زي كده
aram
•
الحمد لله ع سلامتك ومبروك البنوتهالحمد لله ع سلامتك ومبروك البنوته
الله يسلميك
الله يبارك فيكي ياعسل
الله يبارك فيكي ياعسل
الحمد لله ع سلامتك
لماتوصفين ولادتك كأنك تتكلمين عني لماكنت بكريه
بالنسبه لالام طبيعي بالعكس شي ايجابي لان الرحم قاعد يرجع لوضعه الطبيعي
يعني يرجع لحجمه قبل الحمل خذي بندول
لماتوصفين ولادتك كأنك تتكلمين عني لماكنت بكريه
بالنسبه لالام طبيعي بالعكس شي ايجابي لان الرحم قاعد يرجع لوضعه الطبيعي
يعني يرجع لحجمه قبل الحمل خذي بندول
الصفحة الأخيرة
الف الحمدلله ع سلامتك
ومبروك الورده الحلوه والله يرزقك برها>>>دخلت جو مررررره
الله يهنيك ويشفيك
وبالنسبه للي يالمك>>>>مافهمت عليك>>>>>>>>>>>(: