السلام عليكم ورحمة الله وبركاته

هلا والله بمرموره
اولاًَ احب ارحب فيك بين اخواتك وان شاء الله تستفيدي منا وتفيدينا بعد .. ترى مافي شئ ببلاش :42:
ومثل ماذكرت اختي دموع الندم ان الذي تمرين فيه طبيعي ان شاء الله .. لكن تأكدي ان الذي يزيد عن حدة ينقلب ضدة
حاولي اختي العزيزة تبدأي بممارسة بعض النشاطات .. ابدأي بحفظ القرآن .. اكثري من التسبيح والاستغفار والتعوذ من الشيطان .. افتحي سورة البقرة يومياً وهذا بدورة راح يساعدك في الحفظ .. اعتقد انه كان لك هوايات في السابق .. صح ؟؟ حاولي تحييها

ونحن ايضا اخواتك وفي خدمتك بأي شئ وفي اي وقت .. لا تكدري على نفسك ولا تضيقي عليها واول البشائر من اختك دموع الندم بارك الله فيها وجعل مساعدتها لك في ميزان اعمالها ..
وتذكري اختي الحبيبة ان الوقت محسوب عليك وكل دقيقة مسجلة في صحيفة اعمالك .. اتركي عنك التلفزيون لأن هذا من ترغيب الشيطان الرجيم وعلى قول اخت لنا في الواحة الترفيهية ( الله يرجه رجاً مبرحاً ) :)
اسأل الله العلي القدير أن يعينك على الخير ومافيه صلاح لك ولزوجك

تعوذي من الشيطان وقولي بسم الله وابدأي

للاسف عزيزتي لوكنتي اكبر من 25 سنه فكنت اقدر اساعدك اكثر :)
لان الحلقات للنساء مليانه بس المشكله حلقات البنات قليله :06:
على كل حال اتوقع عمرك بعمر طالبات الجامعه ولهذا انصحك باجماعه كونكورديا او ميجيل
ان شاءالله بحاول ارسل لك مواعيد الحلقات مع اللغات فهناك حلقات بالعربي انكليزي و فرنسي واختاري اللغه الي تعجبك
وكونك انك تروحي لوحدك فكان ودي اروح معك بس للاسف باقي للامتحانات النهائيه شهر ومشغوله جدا يعني ما اقدر اني احدد موعد معك..
ان شاء الله بعد الدراسه اذا حبيتي :27:
على كل حال ماهي مشكله انت روحي للجامعه ما احد سوف يعرف انك جديده و بعدين تكلمي مع اي واحده ترى جداااااااااا سهل تعملي صداقات هنا تلاقي كل المسلمين يساعدوا بعض و يكلموا بعض :21:

بالنسبه لسكنك فمونتريال كلها سوق :11:
تعرفي شو اسم السوق؟ اواسم الشارع الي فيه سكنك؟
اقولك اش احسن شئ؟ روحي لاقرب محل لبيتك و اساليه اش هي اقرب محطه مترو من هنا
و اخبريني...ممكن عن طريقها اقدر افيدك اذا في اماكن اخرى بجانبك :27:

عزيزتي marmora .. كلنا مرينا بهذي المرحله في البدايه... بس الحمدالله اصطلح الحال شوي شوي:11:
انا اول ما جيت كنت انسانه ثانيه.. خجوله جدا وما ادخل بالناس بسرعه.. بس بعدين زوجي كلم واحد من الشباب المتزوجين عشان زوجته تكلمني وتعزمني :29:
وفي البدايه صرت شوي مثلك.. يعني اقول لا اكبر من بكثير وما يصلحون لي.. او عندهم عيال .. او اني ما احس اني مرتاحه لهم... ومن هالكلام... بس عاد ماقدرت.. لازم ادخل بالناس واتعرف واسئل عنهم عشان يسئلون عني...
لا وزيدك من الشعر بيت... بعد ما تعرفوا علي باسبوع ما دخلت مزاجهم.. يمكن قعدت شهر ونص ما ادري عنهم!! اثرهم يجتمعون وما يعزمونيييييي:06: >>> والله اني طيبه وحبوبه :44: بس الحمدالله بعد ما تعرفت عليهم طلعوا خوش بنات الله يذكرهم بالخير...

بس بعدين صرت انا اللي ادور واسئل واعزم عشان يدخلوني معاهم :11:

وانتي بعد الله يهديكي لا تجيبين الملل لنفسك... تره بينتقل لزوجك وبتصير حياتكم زهق .. وبيحس انك ممله.... (مو قصدي والله) يعني اشغلي نفسك ... جربي طبخات جديده... ادخلي بالانترنت... حاولي تحفظين القرآن .. اقرأي شي مفيد ... روحي صلي مع زوجك في المسجد راح تتعرفين على ناس عرب... او ادرسي... حاولي تشغلين وقتك بأي شي ولا تخلين الملل يدخل من اي باب.... ولا تحاولين تجيبين الملل لنفسك...

سامحيني طولت عليكي.... الله يوفقك انشاالله ...

Fragrance
دموع الندم
sugar

اشكركم من كل قلبي بصراحه كلامكم خفف عني شوي يعني كنت خايفه اني اكون الوحيده و ان هذا شعور غير عادي ..بس طلع الكل تقريبا في البدايه يتملل ..:27:

.و ان شااااء الله راح احاول اني ابدا و اتصل في الي عرفتهم و اسلم عليهم ((الله يعيني ما احب التلفون و ما اعرف اتكلم فيه ...ترا انا ممكن اتكلم مع الشخص وجها لوجهه ..بس تلفون صعب ما اعرف اطلع السوالف فيه ))ياله بنحاول ان شااااااااااء الله

و بتشجع وبفكرفي عزيمه علشان اتعرف على الي معايه بالعماره ...مع اني عمري ما عملت عزيمه و اخاف اغلط في اشياء و يقولون عني هذي ما تعرف الاصول :29: بعدين شو بيفكني من لسان الحريم :p

بس امس تعرفت على وحده ...تشجعت من كلامكم و قلت خلي اجرب ...و الحمدالله بصراحه استانست معاها ..و قضيت وقت حلو ..و بحاول اني اشوفها دايما ان شاء الله ..و ان شاء الله نصير اصحاب ..اتمنى انها تكون استانست معاي علشان نصير اصحاب

و شكرا مره ثانيه لكم ...و شكرا على كل شي

هلا والله بحبوبتنا مورموره
ليش مسويه في نفسك كذا ترا الدنيا ما تستاهل
ياريتك كنت اشتركتي من زمان في المنتدى كان سمعتي الفضايح اللي كنت اكتبها للبنات هنا وكل يوم اشتكي من الوحده وابكي وخليت حياتي كلها نواح وعويل:44: :( :06:
وبعد فتره جاني مثلك تبلد حسي فظيع جدا وحسيت الدنيا سودا في وجهي حتى البكاء معد صرت ابكي حتى الانترنت اللي ادمنت عليه (فتره:06: )بطلت منه وجاني تبلد فظيع ..
وبعدها جاء الفرج وانفتحت على الدنيا وصرت خوخايه ناضجه ولذيذه..ههههههههه:27:
عموما اختي هذي فتره عاديه جدا جدا
انا كنت اشوف الناس اللي حولي وكيف عايشين اقول ..انا ممكن اصير في يوم زيهم ممكن خلاص اتعود واتأقلم في البلد واتعود عليها؟؟
حتى انا عندي مجموعه حريم في الاول ماكنت ناويه اتعرف عليهم كثير ولمن يسألني زوجي كنت احط ميه عذر مره اكبر مني..مره عندهم اطفال وانا ما عندي..مره ما عجبوني..مره اقوله هم مجموعه ويعرفو بعض من زمان وانا ما احب ادخل نفسي فيهم:11:
ولمن نت اجتمع معاهم كنت يا لطيف دمي ثقييييييييييييييييييييييييييييل زي الفيله ..وجع لا تفكريني لا اكره نفسي
خليني انا كمان افضفضلك واوجع راسك بكلامي :42:
حبيبتي انا ما ساعدني اكثر شئ الا ذكر الله في كل وقت..وزي ما قالو الاخوات شغلي في البيت سوره البقره الحمد لله انا دائما اشغلها وفي الاول ماكان عندنا مسجل نزلناها داون لود على الكمبيرتر ونشغلها على طول الحمد لله
كمان لاتنسي القيام في الليل ما استطعت الله يعينك ويعينني على الخير
وكمان لا تنسي حجابك يا غاليه ترا بتسلحك بحجابك الله يقويكي اكثر ويكون في عونك اكثر وكلما تقربت لله بطاعه اقترب الله منك اكثر واكثر واحبك.... يا الله .... كيف نكون اذا احبنا الله تعالى؟؟
قال صلى الله عليه وسلم: ( ان الله تعالى قال :من عادى لي وليا فقد اذنته بالحرب. وما تقرب الي عبدي بشئ احب الي مما افترضته عليه ؛ وما يزال عبدي يتقرب الي بالنوافل حتى احبه ؛فاذا احببته كنت سمعه الذي يسمع به وبصره الذي يبصربه ويده التي يبطش بها ورجله التى يمشي بها ؛ وان سألني لاعطينه ولئن استعاذني لأعيذنه)رواه البخاري
سمعتي الحديث يتقرب الي بالنواااااااااااااااافل
انا عارفه ومتاكده ان ..ان شاء الله ما عليك زود بس حبيت اذكرك واذكر نفسي في الاول بذكر الله وان ذكر الله هو مفتاح السعاده وقاتل الوحده والكأبه والهم وجالب الانس والطمأنينه وسلاح لك ضد كل كائد
كان الله في عونك وانسك في وحدتك وجعل افئدة الناس تحبك وترتاح لك ..
واهم شئ في هذا الوقت تنتبهي لزوجك وتتداركي الخطأ اللي ارتكبتيه في حقه لان الشئ اللي كنت بتسويه غلط المفروض انك توقفي معاه وتساعديه وتقويه وهو ان شاء الله ما راح ينسى وقفتك معاه دي الايام
وانصحك انك تدخلي لمنتدى الحياه الزوجيه ترا عندهم افكار تخبل جنان..انا دايما اخذ منهم افكار واطبقها في زوجي واعمله مفاجأت (لان ما ورايا غيره ههههههههه)الين اطيرله ابراج من عقله.وعلى فكره انا احس ان الغربه قربتني من زوجي كثير وخلت قلوبنا على بعض وحتى المشاكل اللي صارت هنا كمان قربتنا من بعض
امل اني ما اكون طولت عليكي كثير بس ايش اسوي في نفسي رغايه وبالعه مسجل..:D
تحياتي لك ولا تنسي تطمنيني عنك دايما واعتبرينيلك اخت وصديقه :33:
وتصبحي على خير