اااه اااه //اختي والتعاقد والمس ...رجيتكم ساعدوني ما فضفضت لاي انسان ابدا

السلام عليكم ورحمة الله
يسعد لي ايامكم يابنات حواء ؛بأبدا بموضوعي على طول وهو عن اختي اسأل الله الكريم رب العرش العظيم لها الشفا والعافيه ولكل من قرأت موضوعي وساعدتني
طبعا هي متزوجه من سنتين عندها ولد الله يحفظه لها ؛ طبعا ساكنه في فله مع اهل زوجها بس نظام شقق ؛ لها شقه هي وزوجها ؛بيتهم صراحه متعوب عليه روعه ماشا الله تبارك الله ؛ بس شوي أهل زوجها ضاغطين عليها ومراقبه ومقارنة ومن هالكلام ؛المهم في بداية حملها تقريبا كانت في الشهرالثالث ؛ نامت وشافت في نومها "جاثوم " الله يحمينا للي ماتعرف جاثوم هو حاجه فعلا تشوفها وهي نائمه قد تكتم نفسها ما تقدر تتنفس وبس تبغا تصيح ماتقدر كأن في حاجه كاتمه نفسها مره وحده؛ تكون في هيئة اما حيوان كالبقره وغيرها ؛ طولت عليكم ؛ المهم ؛ صحيت وكانت مره خايفه ومرعوبه حتى خافت على جنينها
مرت بسلام بعدها بفتره بسيطه وهي لوحدها في البيت شافت وزغه كبيره في شقتها مع العلم مافيه اي مجال لدخولها بس ما ادري من ون دخلت؛ وخافت وتهلوست مره؛ وبعدها بفتره لقيت عنكبوته كبيره جدا جدا ؛ بدأ الخوف والقلق يسير في جسمها من هالبيت؛؛؛صارت مره متضايقه من بيتها وكل شوي تقول لزوجها طلعنا ؛ سآءت نفسيتها جدا جدا !؛ طبعا وزاد كرهها لبيتها ولشقتها ؛ مما اضطر زوجها انه يوديها لشيخ يرقيها؛؛قرأ الشيخ وقال عندك مس طبعا طول مايقرا تبكي وحصل تنميل في يديها ؛وجلس يقرا ويحاول يخرجه منهاطبعا قال لها الشيخ انه خرج ومن خلال جلسه وحده خرج مع اصبعها الصغيره في اليسار؛ طبعا عانت جدا وقت خروجه وسودت يديها وتقول للشيخ ليه تضربني ؛! طبعا ماضربها بس من شدة الألم ماتدري " ومشت من عنده وقال الشيخ الحمدلله كان مس وخرج ؛؛
بعدها جلست شهرين الا وجاء خبر تعيينها متعاقده ؛ قرب بيتهم ؛؛فرحت وداومت يوم واتصلوا فيها اهل زوجها يباركون لها ؛ تخيلوا بنات على طول بعد المكالمه رجعت لها الحاله ؛ تقول في فمي زي الدبابيس وانكتم نفسي انفي يوجعني و فمها فيه زي الشد مفتوح ؛
طبعا ماكانت طاهره؛؛ ما تصلي؛؛
المهم زوجها يقرا عليها نفس قراءة الشيخ الا وتشوف في السقف وزغه كبيره ؛انجنت وخافت مره مره ؛قام زوجها قتل هالوزغه؛ ودايم تحلم بأحلام مش كويسه؛
فهي تسألني وش السواه التعاقد طالبينها وخايفه من اهل زوجها ؛ شكل عيونهم حاره الله يكفينا؛ مع اني نصحتها لاتشكين فيهم ولا تسيئين فيهم الظن ؛؛الله يكفيكم شر البلاء والحسد ؛ انتوا عطوني حل لها الله يشفيها وكل مريض؛ واذا فيه ارقام شيوخ ومفسرين احلام اعطوني لها الله يفرج همومكم جميعا ويشفي مرضاكم ومرضى المسلمين وتكفون لا تحرمونها من دعاءكم لها بالشفاء؛ ولا تنسوني انا ايضا من دعاكم ؛حفظكم الله ورعاكم؛ اعذروني ع الأطاله