سلام ياعسولات من العنوان باين ابي رأيكم خصوصا للي مثلي كانت طيبه وعلى نياتها وفجأه بعد مادقتها الدنيا عرفت تميز الصح من الغلط ولكن بعد ايش بعد فوات الاوان؟
هذا الله يسلمكم من ايام خطوبتي اخت زوجي تتصل وتأمر وحطي وافعلي ومره تتصل تهزأ ليش مافرشتو الحمام الله يكرمكم ويعزكم يارب هذا ايام التجهيز ببيتي وانا عروس ومدري ايش ومدري ايش وامه طبعا ساكته يمكن توصيها مدري والله او هي من نفسها مجتهده ؟؟؟؟؟؟؟؟؟؟؟؟؟؟؟
المهم قلت في نفسي يمكن هي الله يجزاها خير تبي كل شي مكتمل و***** الله مو قصدها شي؟ شوفو والله هذا الي في بالي ..............
تزوجت واشوف الحرمه مستمره مره تقول ياليت ماتلبسين بنطلون في الزيارات وانا ابي سمعتك ومدري ايش قلت وي وصلت الدعوه سمعة عشان بنطلون
وشوي شوي الحرمه تتمدى اكثر وتولد وتجي تتنفس عندي ماتبي بيتها ملت منه بالعربي صكرت بيتها وجت هي وامها عندي وانا توي عروس وكلها غرفتين وحمام الله يكرمكم وصارو ضيوفهم عندي 24 ساعه ومع ذلك سكت وخذيت عفشي ورحت بيت اهلي ارتاح شوي واريح اعصابي الا تجيني شكوى من امه الي ماتستحي الي راحت وخلتنا والي والي فيها مافيها قلت في نفسي مارح ارد وقتها انا ماابي مشاكل وابي التزم الصمت بس حسيت من بعدها شخصيتي ضعيفه زي الي عادي انجرح مافيه مشكله واتهزأ عادي احس انهم مايحسبون لي حساب ودايم اقول لنفسي هل صحيح يابنات العود من اول ركزه
الحين انا باديه نظام سلام وعليكم السلام ومره مره مالي اتصال فيهم نهائيا يقولون ابعد تحب وصايره رسميه لأبعد درجه لدرجة اني اول اضحك وفرفوشه وانكت واستهبل والحين ثقلت بزياده خصوصا بعد ماجبت عيال وايام ماكنت عروس احاول انسى وش كنت لأن الحين الطيبه والضحك والاستهبالات نقص وقل في عقلية الشخص تدرون وش يقولون عنه : هالمخفه جا وانا متأكده انه انقال عني هالكلام يالله هالمخفة جت هالي تضحكنا جت يالله خلينا نهزأ فيها عجبا لأمر الناس والله عجبا ماتدرين وش يبون ماتدرين هم يبون يمشون الواحد على كيفهم ويتحكمون فيه اذا قال لا وقتها مسحنا عليه الي بعدو
في منتهي الذوق @fy_mnthy_althok
عضوة جديدة
يلزم عليك تسجيل الدخول أولًا لكتابة تعليق.
بنت العييري
•
قال تعالى : ( وعد الله المؤمنين والمؤمنات جنات تجري من تحتها الأنهار خالدين فيها ومساكن طيبة في جنات عدن ورضوان من الله أكبر ذلك هو الفوز العظيم)
الصفحة الأخيرة