وشو القرص؟؟؟

حياك الله
أنا أهلي الكبار يقولو عن خبز البيت قرص( يعني الخبز اللي تعجينه وتخبزيه بنفسك) إذا هذا قصدك فطريقتي هي
أنا أسويها بدون مقادير.. كميه من الطحين ذاتي الخميره أو ضيفي أنتي خميره مذوبه + رشة ملح وكميه من الماء إلين تصير العجينه راخيه لكن ما تسيل من يدك
خليها ربع ساعه أو حتى بيتيها في الثلاجه للصباح الثاني
ثم حمي لك صاج أو صحن القلي التيفال وإمسيه بشوي زيت ثم أخبزي العجينه في الصاج بحيث يكون سمكها سنتيمر أو أقل شوي ولما تستوي من تحت دخليها في الفرن الحار عشان بس تتحمر من فوق
وكرري العمليه حسب الكميه المحتاجه وبالتوفيق

انا اعتقد ان الاخت تقصد بالقرص اللي هو الفريك صح
الاكله اللي اكلتيهااااااااا ايش شكلها اقراص والا شي مفتت؟

ياهلا والله اختي القرص هذا مشهور عند الدواسر واهل الرياض
وفيه معصوب .... اذا انتي تبين طريقه القرص الي هوعباره عن بر ناضج ومسوينه مركوز في وسط باديه وحواليه مرق قولي لي اعطيك طريقته واذا هو شي ثاني قولي وان شاء الله افيدك بالي اعرفه
ااااااااه شهيتيني علي القرص

أهلين أخواتي أخيرا أحد رد وعبرني

المهم القرص يسمونه تنور زي ما قالت الأخت ام الحص يسوونه في جمر وبعدين يفتفتونه يعني يدقونه

أنا بشرح اللي أكلتها هو خبز مستوي ومفتت وفيه مرق يعني مو يسبح بالمرق لا هو شرب المرق وتشبع وطعمه حار وفيه بهارات واضحة مرة وحاطين فوقه الذبيحة

بس والله طعمه خيال وهو صار القلة يسوونه
وهو يحطون فيه في الوسط سمن

والله حلو طعمه يا ناس

هلا وغلا حبيبتي
وصلتي على خير
هذا هو القرص ومشهورين فيه اهل حايل
اولا تعجنين عجينه فيها شوي ملح وخميرة وتتركينها ساعه
وبعدين تجيبين الصاج التيفال
ثم بيدك تضعين العجينة وتحركينها لعمل قرص خفيف بس ترى صعبة مايسوونها الا
المحترفات اشتريلك قرصان من المحلات الجاهزه اسهلك وهو يشبة الرغيف المشلتت اللي يسونه اخواننا المصريين
وبعد كذا تجمعين لك كم رغيف وتفتينه لانه مرة رقيق
وتغمسينه بمرق لحم او ايدام لحم وفيه قرع وبيذنجان وفاصوليا وممكن تخلين الايدام حار فيه فلفل
وتقطعين بصل وترشين كمون عليه وتحركينه مع بعض ثم قدميه مع الاكل وياسلام
اما اللي ذكرو الاخوات اللي على جمر هذا اللي كان الرسول صلى الله عليه وسلم يذكره وهو الثريد وممكن تسوينه بمرق لحم او بفقع اوبتمر ويسمى حنيني مع التمر وثريد مع اللحم
هاه أيش رأيك فيني موسوعة سعودية بالاكلات الشعبية