ما بدا الوحم وش السالفة .. ؟ الي توحمت في الاول وما توحمت في الثاني تقولي

السلام عليكم يا حلوااات

بنات مثل ماهو واضح في توقيعي لي 6 اسابيع في الحمل واخر دورة لي كانت 25-11

المهم اني ما توحمت .. اخر مرة رحت للدكتورة قالت لي عمر الكيس 5 اسابيع لسه ولا بين النبض قالت تعالي بعد اسبوع موعدي باذن الله الاربعاء

خايفة مرة يا عالم .. اولا كثير دكتورات يقولون من 8 اسابيع يبين النبض و اخاف تقولي ما بين وتوترني زيادة

الشي الثاني الي مخوفني اني ما توحمت وانا في ولدي متتتتتتتتتتتت من الوحم دوخة وغثيان 24 ساعة وبكى وطفش وكرررره لكل شي ادري انه عذاب واتمنى ما يجيني وحم قوي لكني خفت قلت يمكن كيس فاضي عاد تعرفون الحامل هواجس ورعب وسالفة

انا صايرة انام كثير بس ابد مو مثل ولدي يعني عادي اقدر اقاوم النوم كمان احس بارهاق وكسل وامس جاني غثيان ورجعت هذا وحم تتوقعون ؟ والا من تعب الدوام والبرد اختلطت علي الامور

كمان احس فقدت شهيتي للاكل ماني مشتهية اكل خاصة اكلي مالي نفس اكله بس في ولدي كنت مرة ما اقدر اشم ريحة الاكل لو بس من بعيد لو شفت صورة اكل رجعت على طوول

ياربي تكفون قولوا لي هذا وحم والا وشو ؟ غير كذا مين مرت بمثل هالتجربة وحم يذبح وبعده توحمت على خفيف ؟؟

وأخيرا ادعووا لي اسمع نبض جنيني ويرتاح قلبي ويرزقني ربي بالبنوتة التامة المعافاة الصالحة الأمورة الي تفرح قلبي ..

الله يرزق كل محرومة يااارب ولا يحرم مسلمة من هالنعمة :04: