كيف نزلت 31 كيلو من 85 الى 55 كيلو

السلام عليكم يابنات
انا حبيت افيدكم بتجربتي ,, لاني احب لكم مثل ما احب لنفسي
راح احكي لكم كيف خسرت 31 كيلو في 5 شهور فقط
طبعا انا كنت من صغري سمينة بشكل اكبر من عمري للاسف و السبب اهلي الله يسامحهم كنت اكل بشراهة وكميات كبيرة ومحد كان ينبهي ,, فطبعا كبرت وكبرت هالمشكلة معي لحد ماصار عمري 20 و وزني 85 وتخيلو يابنات انا ماعندي طول يعني طولي 150 شكلي صار كأني بالون وبشع وخاصة وجهي ما اتقبله ابد
وياما سويت رجيمات كثيرة لدرجة وصلت لتدبيس الاسنان لكن للاسف كلها كيلوات كنت انزلها وارجع ازيد الدبل وجااني احباط وإكتئاب فظيع وربي وصلت لدرجة اني اقنعت نفسي اني خلص مافي امل اتغير بعيش كذا انا طوول عمري سمينة ,, لحد ماجاه اليوم اللي اتخذت فيه قراري كان اجمل قرار اتخذته في حياتي
والسبب اني مليت كل ما اروح السوق ما الاقى شي يجي على مقاسي واذا لقيت شي واعجبن طبعا ويكون فيه مقاسي ارجع البيت البسه يطلع بشع وانا بعد من النوع اللي جسمي يأثر بنفسيتي وثقتي وكانوا كل صديقاتي رشيقات الا انا وهذا كان اكثر شي يألمني وكنت ابكي كثير قبل ما انام و اقول ياربي من صغري وانا نفس الشكل متى اتغير وقتها حزنت على نفسي كثير كثيرر وقررت اتغير بأي طريقة كانت لكني كنت حريصه اني اتبع نظام مايخليني افقد كيلوات ثم ارجع دبلها ف شنو اللي سويته ؟
,,
تعالوا اقولكم
من يوم ما قررت نحف دخلت النت وقرأت عن الانظمة و التغذية و الرياضة وكل شي علشان الواحد مايكون جاهل وهو يسوي الشي
كبداية حطيت في بالي هدف و دافع وترا هذول اهم شيئين لانهم يخلونك تتحملين مهما واجهتك صعوبات ,, كان باقي على العيد تقريبا 5 او 6 اشهر فكان هدفي ان مقاسات هذا العيد بإذن الله تكون غير وكنت مهما تعبت اتخيل كيف بيكون شكلي بالعيد فأتحمس واكمل مشواري
وكنت اقول لنفسي خلاص جلستي تاكلين كل شي تبينه قبل وش فيها لو التزمتي بنظام وحرمتي نفسك من اللي يضرها لفترة وكنت اذا قلت لنفسي هالحكي ع طول احس اني ماودي اخرب
اعذروني طولت عليكم وماقلت لكم وش كان نظامي
اللحين بقولكم
نظامي كان
طبعا انا يوم كنت انحف كان وقت دراسة بالجامعة فكنت منظمة وقتي والجدول الحمدالله كان يساعدني

فكنت في الصباح اذا قمت من النوم اشرب كاستين مويه وامشي على جهاز السير لمدة ساعة على الريق ,, وبعدها اخذ شي خفيف مثل زبادي قليل الدسم او حليب قليل الدسم مع 3 تمرات وبعدها بثلاث ساعات اشرب سيزر اناناس و اروح ع الجامعة دوامي كان يبدأ من الساعة 10 الصباح وهناك اشرب موويه كثير واذا جعت اشتري سلطة فواكة من كافتيريا الجامعة ,, واذا رجعت البيت اسوي لي شوربة خضار مع الدجاج او شوربة شوفان ,, وبعد الغداء بساعتين او ثلاث اقوم اجري و اهرول على السير لمدة ساعة وعليها اقطع فيها مسافة 5 الى 6 كيلو وايه كنت امشي ع السير يوميا واحاول ما اترك المشي حتى لو نص ساعة باليوم
والعشاء يكون اناناس طازج مع زبادي قليل الدسم
وبس هذا فقط يكون يومي وكنت كابحه شهيتي وكل ما اشتهيت شي اقوول خلاص يكفي اكلت طول حياتي اللي ابيه كفااية وكنت على فكرة اذا صديقاتي اجبروني اكل معاهم عادي اكل لكن اختار شي شبه صحي يعني افضل السيئين مثل ساندوتش شاورما او تونه او فاهيتا واصلا هو صغير حجمه مع مويا او عصير فرش يعني مو اخذ برقر مقلي او بطاطس او ورق عنب لا كذا خطأ وما كأني سويت شي .. غير كذا كنت مخففه طلعات مرة يعني مب كل مرة صديقاتي او احد من اقاربائي عزمني اروح كنت حريصة اني ما اخرب في اول 6 شهور من الرجيم يعني ممكن اروح مرة في الشهر وحتى اذا رحت ما اكل زي المجنونة لا كل شي بالمعقول وبعد اذا طلعت مع اهلي اختار طبق قريب للصحي يعني مشوي وكذا والمشروب اختار برتقال فرش وبس ما اكبر الموضوع البعض اذا سوا رجيم ينعزل عن العالم لا كذا خطأ لان ممكن ينعكس هالتصرف على نفسيتنا فنخرب الرجيم ونتركه لكن عادي اطلع بس مو كل يوم لا اقلل من الطلعات والاكل اختار شي يناسب الرجيم فقط
وكنت مبتعدة عن المقالي و الحلويات و الفاست فود ومقلله نشويات بشكل كبير استمريت على هالنظام لمدة 6 الى 7 شهور لين وصلت من 85 الى 55 كيلو وبعدها صرت اكل من اكل البيت لكن اقلل الكمية اخذ كمية طبيعية وكنت اوقات اتعشى و اوقات لا و اوقات اخذ شي خفيف ,, والله يابنات الموضوع فقط محتاج صبر واصرار وانتي تسوين الدايت انسي نفسك فيه يعني مو كل يوم واقفه قدام المرايا او طالعه ع الميزان تشوفين تغيير ترا كذا راح تملين ومن ثاني يوم نترك الدايت خلاص لا تفكرين كثير دامك اكلتي اكل صحي وقليل وسويتي رياضة بإذن الله راح تجي النتايج واهم شي تكونين متفائلة واحسني ظنك بربك التفاؤل نص طريق النجاح
والله والله والله ان الرشاقة عالم جدا جدا جميل وانا صح اللحين وصلت للمثالي والحمدالله اتمتع برشاقة وراحه نفسية وثقه فظيعة لكني ندمانه على الايام اللي ضيعتها وانا سمينة وكل مرة اشوف شكلي قبل و بعد احمدالله انه اعطاني إرادة وخلاني اتغير وربي مهما احكي لكم ماراح اوصف السعادة و الراحة اللي انا فيها بعد ما نحفت ممكن البعض يحس اني ابالغ ولكن اللي مر بتجربتي هو فقط اللي يحس بشعوري واجمل احساس صدق حسيت فيه لما خرجت كل ملابسي الكبيرة من دولابي وشريت مقاسات اصغر و اكشخ وربي اتمنى انكم تحسون هالاحساس
و ع فكرة انا كنت من النوع اللي اذا زعلت او معصبة احب احط حرتي في الاكل لكن مرة سمعت في برنامج خواطر للاستاذ احمد الشقيري انه علشان نقلع عن عادة سيئة لازم نستبدلها بعادة تملي الفراغ علشان نقدر نتغير فكنت اذا جاتني هالحالات ههههههه اطلع السطح امشي او افتح اليوتيوب اتفرج فيلم او اي شي او ارسم لاني احب الرسم خخخ و مرة على مرة صار هالشي عادة وصرت اذا تضايقت مستحيل اكل لانه هالشي ماله دخل بالاكل ولله الحمد
فأنتم يابنات لازم تحولون
صحيح اوقات اجوع و ودي اكل شي كذا دسم ومرة من المرات بكيت لاني اشتهيت اسكريم من باسكن خلال رجيمي لكن كنت اصبر نفسي واقولها يكفي كليتي اللي تبين هههههه وانام بعدها صح ماكليت اللي ابيه لكن اقوم مبسوطة اني قدرت امسك نفسي
وبس هاذي تجربتي واعتذر منكم لاني طولت عليكم لكني حبيت اطرح تجربتي علشان الكل يتشجع ويتحمس انه ينحف واي استفسار انا حاضرة و اي احد يتحفز لا ينساني من دعائه
مع السلامة
اختكم : بالإرادة نقدر