ياريت أختي sweet_haleem تحطين الروابط عشان تنفع الكل.. طبعا اذا قدرتي.. والله يعطيج العافية

مرحبا أخواتي أنا جديدة على المنتدى فأرجوكم حابة أعرف منكم مقاديرالبسبوسة المحشية بالقشطة و قوالب البسبوسة

و دمتم سالمين

هلا أختي أم خلافي.. نورتي المنتدى ويامرحبا فيج..

عندي طريقة البسبوسة بالكستر مب بالقشطة.. جربيها وايد حلوة ولذيذة..

هي منقولة بكلام الأخت..
-----------------------------------------
المقادير
علبة قشطه
وباقي المقادير تقيسيها بنفس علبة القشطه الفارغه
ا سميد
1 جوز الهند
1 سكر ناعم
1 زيت
2 بيضة
ملعقة بيكنج بودر
تخلي جميع المقادير السابقة بالخلاط حتى تتجانس
تحضري القالب متوسط الحجم وادهنيه بقليل من الزيت ثم تضعين نصف مقدار الخليط السابق
وتدخليه الفرن وحمري من تحت فقط حتى يتماسك ثم اخرجيه من الفرن عشان تحطي عليه الحشوه
الحشوه تتكون من
ا كوب حليب سائل
1 علبة قشطه
3 ملاعق كستر
2 ملعقه سكر
توضع جميع مقادير الحشوه على النار حتى تتجانس وتصبح كثيفة وبكذا تكون الحشوه جاهزه..
توضع الحشوه على طبقه البسبوسه وانتظري خمسه دقائق حتى تتماسك طبقه الكستر علشان لما نصب باقي البسبوسه ما تختلط ولما تحسي ان طبقه الكستر تماسكت صبي باقي مقادير البسبوسة الباقيه في الخلاط واذا كان جامد شوي اضيفي قليلا من الماء عليه واعيدي خلطه صبي الخليط برفق على طبقه الكستر وبعد ذلك ادخليها الفرن على نار هادئه جدا ولو كنتي تحبينها حلوه مره حطي قليل شيره لو كنتي تحبي حلاها عادي اكتفي بالسكر الموجود فيها
-------------------------------------------------

من يومين جربت المضروبة الاماراتية للأخت من جميرا.. لذيذة وبيت أهلي مدحوها..

المضروبة الاماراتية ،، جربيها اتجنن

الله يامسافرة جربت الطبق اللي آنا فعلا بجربه .. أذواقنا ماشاءالله وايد متقاربة .. كان خاطري فيه بس دام إن زين ومن جميرا أكيد بجربه .. آنا طابعة الوصفة ومخليتها وإنشاءالله خير ..