ممكن افكااااااااااار

السلااااام عليكم

شحالكن رواعي المنتدى يعلكن بخير وسهاله

أمنتكن بالله ماتهاونن ف موضوعي عالأقل ارفعن الموضوع و لو بذكر الرحمن

بغيت الفزعه منكن .. انا يالسه فالبيت وعندي بيبي .. اصراحه انا عندي شهاده جامعية
بس من يبت ياااهل .. ماودي اظهر عنه واشتغل لأن اهلي واهل زوجي بعيد عنا فإماره ثانية
وانا ما أأمن على الخدامه أبدا ومستحيل .. ريلي يمر ف ظروف مادية
عليه دين الزواج وفوق هذا سيارته اندعمت وكل شوي اطيح علينا بالآلاف انصلحها .. ومن غير ايجااار السكن .. فكرت كيف اساعد ريلي عالأقل نشتري سيارة يديده .. لأني والله ما أباه يدين مره ثانية ع السيارة .. منو عندها فكره ف مشروع أربح فيه غير الدخون والأكل يعني بغيت شي يربحني
اتكون فكره ما اظهر فيها من البيت شغل حلو ويربح .. ساعدني لاتقوللي الديوان وهالسوالف لأن خلاص إلي أبدا .. فساعدني ياخواتي بفكره طيبه يزاكن الله خير
أبا أتاجر بشي أبسوي شي أبا اساعد ريلي .. أبا احسسه مب كل شي عليه .. وانا بوقف وياه
قوللي شو اسوي إلي عندها راي او فكره اتقولي ف نفس الموضوع او على الخاص إلي يريحكن المهم اتساعدني ومشكوراااااااات واتريا التفاعل