لكل من تأخرت عن الحمل تجربه شخصيه الله ينفع بها

هلا يا غاليات كيف احوالكم يارب تكونون بصحه وعافيه وسعاده

انا يا بنات اقسم بالله اني ما كتبت هالتجربه والمعلومه الا لاني اعتبركم مثل خواتي واتمنى لخواتي المسلمات مثل ما اتمنى لنفسي والله احيانا اقرا لبعض ضروف الاخوات وابكي وادعيلهم وانا ما اعرفهم لكن احبكم في الله واتمنى لكم الخير
قبل يمكن ثلاث سنوات قريت هنا ف عالم حواء عن وحده معالجه شعبيه اسمها السديريه تعالج تاخر الحمل وامراض النساء وفي مره قالي زوجي عن واحد من معارفه ان زوجته متاخره عن الحمل وقالها زوجها لو خلال السنه هذي ما حملتي بتزوج وحده ثانيه فقلت لزوجي طيب قوله عن الحرمه هذي البنات في حواء يمدحونها خله يودي زوجته لها واخذت رقم الحرمه من البنات ودقوا عليها ووصفت لهم بيتها وراحت لها الحرمه واعطتها علاجات وبارادة الله سبحانه حملت زوجته بعدالله ثم علاج الحرمه والحين معها ولد ما شاء الله وبرضو وحده نعرفها متاخره يمكن 8 سنوات ما حملت وقلنا لها على الحرمه وفعلا راحت لها وسبحان الله الان حامل بالتاسع الله يهون عليها

فاللي منكم عالجت بالمستشفى ولا شافت فايده تروح للطب الشعبي من خلال المعالجات الشعبيات سواء هذي او غيرها الله ينفع بهم ويرزق جميع المسلمات بالذريه الصالحه عاجلا غير اجل
علىفكره يا بنات الحرمه هذي في الرياض ورا اسواق بن دايل
وما ابي منكم الا دعوه من قلب ان الله يشفيني ويعافيني انا وعيالي ويحفظنا من كل مكروه وجميع المسلمين

ولا تنسون اللي تروح لها ويرزقها الله تبشرني وتدعيلي دعواتي لكم يا غالبات