عن أبي هريرة رضي الله عنه أن النبي صلى الله عليه وسلم قال :((من كان يؤمن بالله واليوم الآخر فليكرم ضيفه))
ديننا الحنيـــــف حثنا على حسن استقبال الضيف
وللــــه الحمد نشئت في بيت يكرم الضيف صغيره وكبيره
مجتمعي اللي عشت فيه كانوا يقدرون الضيف حتى لو كان صغير في السن والله العظيم في عمر جدتي تستقبلني وتدخلني راس المجلس وتجلس قدامي وحتى التمر تعطيني في يدي من حسن الخلق ومن حبها للضيف
وهذا من عاداتنا وعادات اجدادنا ولله الحمد
مشهورين بالكرم وحسن استقبال الضيف
واكيد كل المناطق فيهم الخير والبركه
طبعاً ماراح احدد انا من اي مجتمع انا سعوديه والسعوديه فيها الشرق والغرب والشمال والجنوب
*************
تزوجــــت وبحكم عمل زوجي انتقلت من مدينتي الحبيبه الى مدينه اخرى ومجتمع آآخر:44:
في البدايه لم اتقبل الوضع ولكن الحياه ارغمتني
بديت اتعرف على الناس حبه حبه والحمدلله بديت ارتاح واتأقلم
بس للأســـــف
انصدمت بسوء استقبال الضيف عند غالبية الناس ومو بالعاني لاوالله
الكل اللي متعرفه عليهم طيبين وخلوقين بس مايحتفلون بالضيف ولايحسسونه انهم سعيدين بإستقباله
الظاهر عاداتهم كذا ....:44: الله اعلـــــم!!!
انا متعوده في مجتمعنا اذا سمعنا صوت الباب يدق كلنا انا واخواتي نوقف مع امي عند الباب
ونستقبل الضيفه وناخذ عبايتها
وندخلها المجلس ونجلس معاها ونسألها عن اخبارها واخبار اهلها واخبار جداتها وعماتها وخالاتها وجاراتها هههههههه من جد لازم نحسسها انها مهمه ...
واذا مثلا جتنا ضيفه ودخلت المجلس وهو مليان حريم والله العظيم الكل يقوم من مكانه ويخلونها تجلس احسن مكان
جيـــــت هنا انصدمت نفسيــــاً:icon33:
ابداً ابداً ماعندهم الشيء هذا مو تكبر ولا شي بس عادات تختلف
خلوني اسولفلكم عن آخر مره رحت عند وحده من صديقاتي
كانوا مسوين مناسبه وعازمه اهلها واهل زوجها فقط
واول مره اقابلهم دقيت الباب فتحلي ولدها الصغير ناديت يااهل البيت
طلت عليه اختها ورجعت بسرعه قلت اكيد تنادي اختها تستقبلني
انتظرت محد جاء دخلت لقيت اختها واقفه تطالع للتلفزيون
آخر شي نزلت عباتي بنفسي ولفيتها وحطيتها عالارض
ورحت الى عندها وسلمت عليها
بعدين دخلت مجلس الحريم
كان مليااااان بالمره دخلت السلام عليكم سلمت عليهم
بعدين لفيت راسي ادور مكان مالقيت تخيلوووو ولاوحده قامت تعرض مكانها كان فيه بنات في المتوسط جالسات مع امهاتهم ولا وحده منهم قومت بنتها آآآآآه ياقلبي وش هذا
ليش كذا الرسول صلى الله عليه وسلم ربط الايمان بالله باكرام الضيف
جلست طول الجلسه مكتئبه
وماحسبت اني رجعت البيت
ولاهي اول مرررره كثيييير مواقف صارت كذا
ياناااااااااس احسنوووو استقبال الضيف
ماقلت روحي سويلها سفره واهلكي عمرك ولاقلت شيليها على راسك
وحطيها على كنبه من حرير
قال النبي عليه الصلاة والسلام : ((إنكم لن تسعوا الناس بأموالكم فسعوهم بأخلاقكم))
فقط استقبليها بوجه بشوش وخلوق افتحيلها الباب لاتخلين احد من الصغار يفتحلها
خذي عبايتها منها امشي معاها للمجلس اجلسي قدامها اسأليها عن حالها وعن اهلها
قدميلها الاكل ولاتشاورينها اذا تبغى والا لا؟
وبالاخير ودعيها بوجه حسن ولاتقفلين الباب وراها على طول طااااااخ انهار اذا احد سواها
كأنه يبغى الفكه من وجهي
هذا اللي عنـــــــــدي واستودعكم الله الذي لاتضيع ودائعه
في بعض القباااااااااائل استقبالهم كذا وربي يجيبون الضغط والسكري زايد القهر والحسرة
والله يعيييييييييين