سؤال عن عجينة الجلاش؟؟؟؟؟؟؟لاتردونى

أختي أنا بستعمل الجلاش للأوزي بس مابعرف اذا كان قصدك الأوزي تبع الشام يلي بكون عبارة عن رز وبازلاء ولحمة ويوضع على شكل صرر دائرية, اذا كان هاد قصدك فأنا استخدم عجينة الجلاش بس بدهنها بالسمن مشان ما تتطلع ناشفة

الله يجبر بخاطرك حبيبتى زى ماجبرتى بخاطرى ورديتى على هذا اللى انا اقصد طيب عطينى طريقتك بالضبط اذا ممكن

شوفي حبيبتي أنا بساويها ب طريقتين وبتطلع كتير طيبة:

1- طريقة الصرر: بفرد الطبقة الأولى من الجلاش بحذر وبعدين بدهنها بسمنة وفوقها بوضع طبقة تانية وكمان بدهنها بسمنة واذا بتحبيها سميكة (متلي) بوضع طبقة تالتة أو حتى رابعة وكمان بدهنها بسمنة.( ملاحظة دهنها بالسمنة كتير بخليها أطيب وبدون السمنة بتطلع ناشفة بدون طعم )و بعدين بوضع حشوة الرز بالوسط وبحاول سكرها شوي شوي على شكل صرر وبرجع بدهنها من فوق بالسمنة وهي مسكرة وطبعا بحطها بصينية الفرن على الوش المسكر مشان ما تفتح يعني مكان التسكير يكون بالأسفل وبدهن الوش بالسمنة يعني لازم تكون كلها مدهونة بالسمنة. واذا بدك مو شرط تعمليها دوائر أنا احيانا بعملها مربعات للسهولة وحاولي ما تكتري الحشو كتير مشان ما تفلت وبعدين بوضعها بصينية مدهونة بالسمنة وبدخلها الفرن من فوق لحتى تحمر بس يكون متوسط الحرارة لأنها سريعة الاحمرار يعني لازم ما تتركيها وضلي بالمطبخ عم تراقبيها وبعدين شعلي الفرن من تحت حتى تنضج من الأسفل

2- طريقة الصينية وهي أسهل وأسرع اذا كنت مستعجلة :بفرد الرقائق بصينية تيفال بس بدهن كل طبقة بالسمنة مشان ما تتطلع ناشفة وبوضع حوالي 3 4 طبقات حسب ما بتحبي وبعدين بحط الرز بالبازلاء واللحمة والصنوبر واللوز فوق الطبقات ومرة تانية بفرد طبقات تانية على الوش وكمان بدهنها بالسمنة بين كل طبقة وطبقة وبحطها بالفرن.

أي أسئلة تانية تكرم عيونك حبيبتي :)

تسلمين حبيبتى سويتها امس على الفطور روووووووووووووووووووعه
بس المشكله شكلها مو مرتب لانى العجينه بسرعه تتقطع ينى طلعت معى مربعه كان نفسى فيها دائريه بس لذيذه

ألف صحة حبيبتي كتير انبسطت أنها طلعت لذيذة وبالنسبة للشكل مع الممارسة بتزبط معك لأنه أنا

أول مرة ساويتها طلع شكلها غريب عجيب لا دائرة ولا مربع ولا بتنتمي لأي شكل من الأشكال

الهندسية :laughing: بس كانت الطعمة روعة ومع الوقت صارت تزبط معي متل ما بدي..