خلاص ي قلبي اللي فات فات والحمدالله ع كل حال ..


ودحين تزوجتي وعندك مملكتك الخاصه فيك لازم تغيري من حالك واسلوبك عشان تشوفي الحياه حلوه ولساتك عروس و العمر قدامك وبيبي جاي بطريق ف حاولي قد ماتقدري تنبسطي وتغيري من روتين حياتك وارمي الماضي كلو تقدري بيدك تبني حياه سعيده اوحياه كلها شقاء ...


وحطي ف بالك الانسان خلق ف كبد وكل شيء بأجروا ومحد مرتاح بدنيا دي لايغرك اللي فرحان واللي مبسوط ماتدري ايش بقلبو الحياه كذه يوم فرح ويوم حزن ومع ذلك لازم تكافحي عشان اسرتك الجديده تعيش مبسوطه وحاولي انك ماتعيدي نفس اللي عشتيه مع زوجك واطفالك الجايين ...




اتوكلي وادعي واستغفري اذا حسيتي حالك بتبكي افرشي سجادتك وابكي عليه وافرغي اللي ف قلبك لله وبأذن الله ترتاحي مع مجاهده نفسك انك تستحقي تكوني سعيده وتفائلي بالخير واحسني الظن بالله ((انا عند ظن عبدي بي ))


وترا كلننا مرينا بحياه مشتته ومتعبه ومع ذلك الواحد يقول الحمدالله شويه عزيمه مع مثابره وأبدأي من جديد وصفحه وانطوت ..


اعمليلكً جمعات مع صحباتك اطلعي لعندهم اعزميهم لعندك زوري امك ف الاسبوع وابوك اسألي عليهم مهما كان حجم مشاكلهم اللي اثرت عليك بريهم و زوريهم بتلقي أثرها بحياتك ..


اقرأي لك كل يوم صفحه من القران داومي ع الاذكار حطي قناه مكه للقران وارفعي الصوت طارده للشياطين والملائكه تملى بيتك بتحسي براحه غريبه، انا لو ماشغلت القران ف بيتي والله ماكأنوا يوم احس بضيق وطفش غير لمن اخلي القران ف بيتي ..




لاتبيني لزوجك انك طفشانه ومهمومه ولاتقوليلوا ع مشاكل اللي مريتي فيها مع اهلك بيني لو انك اسعدانسانه عشان هوا كمان ينبسط معك ومايمل ..

اطلعي انتي وزوجك كل خميس وكل شهر اعمليلك حفله بسيطه ف البيت خاصه فيك وف زوجك تروحي عن نفسيتك شوي كوني سبب ف أسعاد اشخاص ،تلقائيا بتحسي بطعم السعاده معاهم ..


وتستحقي تكوني سعيده و100 مره كمانه وتعيشي حياه مستقره وهادئه بس من عندك انوي وتوكلي


والله يسعدك ويوفقك ي رب ...

لاتشيلي هم الزمن هو خير معالج للجروح

بنات الحمد لله نفسيتي ارتاحت من ردودكم الحلوه جزاكم الله خير والحمد لله ارتحت وان شاء الله اسوي اللي قلتم عليه وراح تتغير نفسيتي للاحسن ☺

سبحان الله وبحمده سبحان الله العظيم

اتمني من المشرفات حذف موضوعي ❤