السلام عليكم والرحمه كيف حالكم بنات انا ودي انكم تساعدوني وتعينوني على الحلول حياتي متلخبطه وغير منظمه من نفسيه زفت ونوم حالته حاله حتى التنظيف ماعدت مثل اول شقتي سارت مكركبه ونفسيتي سيئه ومااحب اقعد بشقتي بس ابي اطلع منها اروح اي مكان واذا طلعت مابي ارجع لها مين مثل حالتي
بس غصب ارجع واكره الطباخ حدي مااحبه مااطيقه وزوجي بدى يتضايق مالوومه ابد نومي بعد ومضان ساير بالظهر واصحى المغرب ومن المغرب ل12 مستحيل المس شي او اشيل شي من على الارض سايره مادري وش فيني وايام اسير مثل النحله اغسل واكوي وامسح الارضيات تكفوون مين مثل حالتي واغيثووني مابي حالتي تسوووء اكثر
أنا دائما تجيني هالحالة لما يتغير نظام نومي بمجرد اني أصحى متأخر خلاص اعرف اني ماراح انجز شي بالبيت ..
الحل انك تعدلين نومك وتصحين من صلاة الفجر تقرين قرآن لطلوع الشمس بعدها تاخدين م عسل مع كاسين موية بعدين تشتغلين بالبيت انجزي كم شغلة بنفس الوقت مثلا حطي الملابس بالغسالة وروحي نظفي المواعين وامسحي طاولات المطبخ بعدها انشري الملابس وابدي اكويها بنفس الوقت لاتأجلين.. صدقيني ادا اشتغلتي بسرعة وانتي مفنحة الشبابيك وتشوفين الشمس ويدخل عليك هوا الصباح بتخلصين بدري وبتحسين بفرحة كبيرة وترى كلها على بعض ساعة والا ساعة ونص بعدها سوي فطور صحي وقومي زوجك يفطر وودعيه وهو رايح للدوام.. وانتي سويلك كاس أعشاب واجلسي على النت والا امسكي كتاب وريحي بعد الشغل.. شي مهم بعد انك تنامين الظهر ساعة وبالليل الساعة عشر بالكثير تنامين بتتغير حياتك 180 درجة وبتكونين ايجابية ومليانه طاقة..