انا سبق وقلت لكم اني بشتغل وقت فراغي بالكروشيه وخاصه اشياء البيبي
والله يابنات ابرتي اول ماالفها ع الخيط ماتمشي الا بملابس البيبي ماجربت اسوي غيرها ولا ابي اجرب مستمتعه بشغلي واحاول
اتناسى موضوع الحمل
المهم انا كنت اسوي مقاس بيت الرضاعه
من النت يعني مو متاكده اذا تجي مضبوط
ع الرضاعه ولا لا؟؟
وسويت كذا طقم كامله لاشياء البيبي
وحبيت اتاكد من مقاس بيت الرضاعه
وارسلت زوجي يشتري رضاعه انصدم
من اصراري بالطلب كان يقولي خذي
مقاسات من النت قبل واقول خلاص
مابصر لاني عارفه ماراح تجي
لكن هالمره قلت لالالالالازم تشتري رضاعه
اتأكد من المقاس
صدمني رده قال استحي اشتريها واحنا ماعندنا طف
قلت لا عادي روح ماحد يعرفك
تصدقون والله رفض يروح قال بروح في الليل عشان لايصادف احد يعرفه وراح ع الساعه وحده يقول تخيلي احد يشوفوه وهو ماسك الرضاع
حسيت كأنه بيروح يسرق مو يشتري رضاعه
وجابها وهو مخبيها في جيبه
ورجع وهو فرحان قال تصدقين الوقفه بين اشياء
الصغار وناسه قلت ايه وناسه
ووجودهم بحياتنا اذا كتب ربي اجمل وناسه بصراحه حسيت نفسي ببكي كلما اخفي شوقي للامومه اشوف زوجي تعبان على الصامت ويتكلم غصب عنه من لهفته
بس قمت غيرت الموضوع وهو مستانس
قال وريني اللي سويتيه قصده الكروشيه ووريته والله يابنات
اني شفت دمعه بعينه قلت شوف
هذي كنت برسلها لوحده هديه لكن لانها عجبتك
بخليها في الدولاب وجلس ماسك الملابس
ويتاملها قال اي شي تسويه لصغار خليه بالدولاب لاتعطين احد
يارب يارب فرحن
يامشرفات لاتنقلون موضوعي لقسم المتاخرات
انا مابي علاج ولا خلطه ولا شيً
اصلا قسم المتاخرات ملغي عندي ماافتحه نهاااائيا
اتعب نفسيا