اعترافات بجرائم ارتكبتها وتوجعني كبدي اذا تذكرتها
السلام عليكم ورحمة الله وبركاتة
^^^^^^^^^^^^^^^^^^^^^
السلام عشان ما أروعكم وتدرون اني ما نويت شر
قليل من الناس من يعترف بذنوبه و أخطاؤه و الشجاع فقط هو من يفعل ذلك بغرض الندم و ليس المجاهرة <<<< تبي تحمسكم تكبون قشكم يعني تقولون فضايحكم
المهم انا واعوذ بالله من كلمة انا صاحبة سوابق الله لا يولين عليكم و داعية عليه امه اللي اتسلط عليه<<< وش تعوذين من كلمة انا له
يعني ما عندي يمه ارحميني <<<<اخسي يالابضاية
اللي ما يعجبني اسوي في البلاوي بدون ادنى رحمة <<< طاغية بس ما كتبو عنها في التاريخ
وعشان ما تقولون نافخة نفسة على الفاضي .......هذي بعض القصص الواقعية100%<<<< حشا دعاية عصير او لبن
القصة الاولى اللي ممكن يطالبوني فيها هيئة حقوق الانسان ومجرمي الحرب واليونيسف واليونسكو
هذا لما كنت جذعة يعني ان شاء الله ما علي شرهه
جت حرمة تزور امي وجايبة ولدينها معها والصغير كان عمره 3-5 شهور جو خواتي يطققون علي الحمام و انتم بكرامة ويقولون: افتحي يالانتيما<<< بدا النصب
افتحي بسررررررعة شوفي من معنا
عاد رديت وقلت ما ابي اشوف<<< متغطرسة
قالوا : افتحي شوفي معنا دادا يعني نونو وكنا نعز الاطفال والمخلوقات الصغيرة:04:
قلت : مين
قالوا : ولد الحرمة اللي جاية عند امي:04:
قلت : طيب طيب <<<اغروني
ولما طلعت لقيتهم شايلين الولد وفرحانين فيه وقربوه مني وهم يتضاحكون مبسوطين بهالكائن الصغنون
جيت انا تاملتوه وبحلقت فيه وحسيت انه ما يستاهل كل هالخبة و الصربعة
واقوم اعطيه ذاك المخمس جزاء له و ردع لامثاله
الصغينون ما استوعب اللي صار سكت لمدة 5 دقايق يحللها بمخه ويفكر ليش ؟ وش سوى ؟ وبعدها صك بالصوت وبدا يصيح و ودوه لامه اللي لفقوله قصة عن سبب صياحة
الله لا يولي علينا من لا يخافة ولا يرحمنا
القصة الثانية
و انا برضوة جذعة في اول متوسط
كان قدامي في الفصل بنت ما عجبت صديقاتي وكانو يعلقون كثير عليها وعلى كلامها ويضحكون على مواضيع التعبير حقتها <<< عاد من زينهم هم ومواضيعهم
المهم كنت ابضحكهم قمت مسكت الفرجار وبديت انغز ...يعني انخج البنت مع ظهرها لما تطلع نقط دم<<< عربجية بكوتونه وهي تصارخ وتلتفت علي فأخاف لكن لما تلتفت اواصل التعذيب وتبدى تصارخ وتقول للمعلمة لكن لما تشوفني المعلمة ما تصدق لان و جهي يكب براءة فتقوم تهاوش هالضعيفة و اواصل انا الجريمة
المشكلة انا اسوي بها كذا بس عشان صديقاتي اما البنت فكانت هي واخواتها صاحبات جمايل علي يودوني للمدرسة كل صبح انا واختي يوم كنا باولى وثاني ابتدائي<<< قليلة خاتمة
القصة الثالثة
و انا بنفس الفصل كان فيه بنت ثانيه ما اعجبتني انا و صديقاتي و زعلنا عليها مرة فأخذنا دفتر من دفاترها وقطعناه ورقة ورقة في الحوش<<< يا سعدكم
القصة الرابعة
اكيد اوجعتكم كبودكم من فضاعة الجرائم
كان فيه معلمة تدرسنا تاريخ وكنا دايسين مهابتها ....نلعب ونتكلم و نسوي البلاوي ونجيب لبان الوان وكل وحدة تعلك لون واذا طرى شوي رميناه على لبسها من ورا فيصير لوحة فنية ما ادري تجريدية او سريالية أو ...... أو........ <<<< ورطت ما تعرف انواع ثانثة
و مرتن من المراير لبست مريول جديد وفرحانة فيه وبنفس الايام اخذنا موضوع الرسم رسم محل اقمشة على ازياء ...... يعني بتاع كله المهم رسمت على اليمين اقمشة والجهة الثانية فساتين ومن بينهم مريولها المسكينة و رحت اورية اغلب بنات المدرسة <<<< لو فية درجات على الشقاوة بالمدرسة كان اخذت الاولىاما معلمة الرياضيات فمورينه نجوم الضحى ... كانت حصصها الثالثة والرابعة فلما تخلص الحصة الثالثة نقوم انا ووحدة من الابضايات ونطلع مع انها ما خلصت شرح واذا صرخت علينا قلنا سلام بنروح نشتري من المقصف و ما تشوف الا غبرتنا <<<< بحل يالعيال
اما اليوم اللي تكون فية الحصة الرابعة ما نجي الا متأخرين من اخر الحوش فتوقفنا عند الباب شوي وتدخلنا وحنا فرحانين بس خايفين تطلع المساعدة لان غرفتها جنب فصلنا ولا المديرة بنت حلال ما عمرها قالت لنا شيى
وغيره وغيرة من كسر شبابيك المعامل اللي للحين ما تصلحت و فتح حنفيات الموية حقت تطفية الحريق واللعب و الهروب من حصص المعلمات المنتدبات
بس الله يسامحنا من حقهم ويسامحهم من حقنا ويتوب علينا ويغفر لنا ولهم وجميع المسلمين
المهم
لا تأخذون فكرة شينة عني تراي هالحين معلمة طيبة مرة وما اهاوش لكن شاكمة البنات
والمهم الثاني
قولو قصص جرايمكم <<< تحسب كل الناس سوابق
عشان نضحك وندعي للي غلطنا عليهم
لا تتأخرون ولا ترى بالفرجار خخخخخخخخخخ:55: ]
شكلك سفاحه يوم كنتي صغيره خخخخخخخخخخخخخخخ
موضوع متميـــــــــــــــز ولي عودة بإذن الله ...