طرق جديده للتقديم ؟

ارجوكم يابنات ردوا علي لو سمحتوا

اهلا روعه
بالنسبه للمعجنات طبعا لازم يكون حجمهم واحد وممكن تسوينهم على شكل صمون صغير وترشين عليهم حبه سوده او سمسم وللتقديم ضعيهم في سله جميله مفروشه بورق الدانتيل وبالنسبه لاطباق الرئيسيه ارجو تلاقين وحده من الاخوات تساعدج وسأبحث لكي في كتب الطبخ..

والله ما قصرتي يا بيكاتشو الله يجزاكي خير
وفكرتك حلوه بس ودي اسألك هل السله اي نوع من الخوص
ولكي مني كل الاحترام

بالنسبه للحلويات ممكن تزينين الطبق بحبات الفراوله يطلع شكله روعه طبعا انا اقصد صحن التقديم.
وبالنسبه للدجاج سواء مقلي اومشوي قطعي خس او ملفوف شرائح ثم افرشيها في طبق وضعي قطع الدجاج فوقها وحلقات ليمون على اطراف الطبق.
واذا كنتى مسويه صينية سمك ولسمكه كامله ضعي في فمها باقة صغيره بقدونس وزينيها من فوق بحلقات الليمون.
كاسات العصير اذا كان عصير برتقال وراح تقديميه بالجيك فارمى داخله شقف من البرتقال .وكذلك الليمون.
اذا كانت بالكاسات ضعي على كل كاس شريحه ليمون اوبرتقال حسب نوعه وذلك بان تاخذي شريحة البرتقال مثلا وتقطعي جهه واحده حتى مركز الشريحه ثم تاخذي الشريحه وتعلقيها على طرف الكاس.
اذا كنت مسويه عصير تفاح اغسلى كم ورقه من اوراق النعناع وضعيها في الجيك على وجه العصير.
وكذلك بالنسبه للمناديل فالاخت ميمى في قسم الديكور ذكرت طرق حلوه لطية المناديل.
يااختى ذكرت هذه الاشياء وانا لااعلم هذا المقصود ام لا اذا كان فيه شئ معين اذكريه وان شاء الله نقدر نتعاون.
وجزاكى الله خير.

اهلا روعه بالنسبه للسله نعم سله عاديه من الخوص وهذي فيافي نجد ما قصرت..

تحياتي لكم