لا تفكرين بالناس وردة فعلهم ياختي فكري بنفسك

ماشاءالله عيالك كأنهم توائم مافي فرق بينهم يبي لهم تعب وجهد ومراكض غير شغل البيت غير زوجك غير اهتمامك بنفسك وانتي مقبله على ولاده ونفاس وحوسه ..

ماعليك من المقارنات ولا كلام اهل زوجك ماراح يتعب الا انتي

وزوجك مو عاجبه الوضع ولا حط لراي اهله اهميه تروحين انتي تحطين لهم اهميه ؟!!

جيبيها وريحي نفسك قبل لا زوجك يطفش من البيت ويدور الراحه في مكان ثاني


يعني كل العوائل اللي عندهم شغالات حريمهم رفلات ؟!

اذا سمعتي تعليقات او كلام يضايقك طنشي يا اختي

بكرا اذا شفتي من يعاونك وترتبت حياتك واولوياتك والتفتي لنفسك ماراح تحطين لكلامهم اعتبار

الله يسهل عليك اختي

شوفي حبيبتي انا لو مكانك يوسع صدري وبجيب شغالة وشيلي من بالك اهل زوجك نهائيا ما دام زوجك قادر على رواتبها وموافق وش لك بوجع الراس وسلفاتك وغيرهم الزم ما عليك راحتك وبصراحة انتي بحاجه ماسه لها يعني بيت وطفلين ما شاء الله وحمل وتعب وسعي صدرك وجيبيها وتفرغي لنفسك اولا وزرجك ثانيا واهل زوجك ماراح ينفعونك لو هج زوجك من البيت لا سمح الله

أختي دامك مقتنعه انتي وزوجك بالشي اللي بتسويه .. فما عليك من أحد

بس لا تقدرين البلا قبل وقوعه .. يمكن اهل زوجك مع الايام تغيرت وجهة نظرهم

ويمكن سلفاتك ما يتكلمو ولا يغارو منك .. بالعكس يمكن يشكرونك لأنك فتحتي لهم باب من زمان يبون يفتحونه ..

بس ياليت لو تنظري للموضوع من زاويه ثانيه ..

وين راح تنام الخدامه إذا ماعندك الا غرفتين ومجلسين ..

انتي تبين تتفرقين لزوجك واكيد تكشخين وتتدلعين .. بس هالشي صعب مع وجود الخدامه اللي معك بنفس المكان واكيد عينها عليك .. يعني بتقيدك شوي ..

وكمان تبين تطلعين وتزورين وتدرسين .. وأطفالك ؟؟!! هل بتتركينهم عند الخدامه لوحدهم !!!

..

استخيري اختي قبل ماتقدمين على الخدامه .. وإن شاء الله مايصير إلا كل خير

بالتوفيق

حلوة هذي جسيت نبض أهل زوجي

وليش تجسي نبضهم ! وهم شو إلهم علاقة !!!!!
تقوي اختي تقوي ولا تهتمي بأحد إلا نفسك وزوجك وولادك
ما حد له علاقة من باب بيتك وجوا ...

والنقطة الأهم
ولادك مو أشقيا وفوضجيين وا بيسمعوا الكلام كذا
هذي تربيتك لهم وضبطك لسلوكهم
ولا وين التربية يا عزيزتي
انت محتاجة تنظمي نفسك وسلوك أولادك
المشكلة فيك