تفاهة المراهقين والمفهوم المغلوط للتطور

الأسرة والمجتمع

بسم الله الرحمن الرحيم

هذا الموضوع وليد قهري، فقد زارنا اليوم أخي مع أبنائه

وأعمارهم مابين 12 والـ15
أخوي مطلق مرته من يوم انهم صغار "قبل لا يدخلون المدرسه"
وأخذهم لمن الأم تزوجت

طبعاً يوم كانوا عند أمهم
كان هو اللي يوديهم ويجيبهم للمدرسه ويقضي أمورهم

وياخذهم أربعاء وخميس وجمعه ولهم مصروفهم الخاص

لكن صارت شخصياتهم متذبذبه يسوون مع أبوهم اللي يبيه ومن وراه يتغيرون

خاصه إن مجتمع أمهم مره متحرر "ما يتغطون" وهي الله يهديها مو منتبهه لهم
هذا غير ان اللي كان مربيهم التلفزيون 24 ساعه عليه وكلها قنوات أجنبيه

يوم اخذهم البنات كانوا على 12 وكان محرصهم على العباه والحجاب
طلعوا ما يلبسون حتى الكاب وعندهم ان هالشيء تخلف

تأثير أخوي على الولد أكثر من البنات
"ولو انه قليل" لأنه معه على طول وشاد عليه

سؤالي : هل كل المراهقين بهالتفاهه؟ وإلا أولاد أخوي حاله خاصة بسبب الطلاق؟
وعدم اتفاق الام والأب على تربيتهم؟

اليوم كنت أكلمهم إن ودي أشتري حيوان أليف يا وبر يا قطوه
ورسينا آخر شيء على قطوه
وكنا نتناقش على الاسم قلت بسمي القطوه سوسن

قالوا ييييييع إنتوا ليه كذا؟
قلت وش تبين تسمينها قالت رِيَّانَا "اسم مغنيه أمريكيه من أصل أفريقي"

قلت يعني الحين اسم ريحانه أحسن من سوسن
قالت يوه ما دريت انه كذا بالعربي

وقعدت تدور أسماء أجنبيه

فقلت لها ليش الشيء لا جاك بالعربي قلتي وع ولو حولتيه لانجليزي صار واو!!
وش هالانبهار بالأجانب؟

وبضحك أقول لها ومتى بتخلين هالانبهار؟ ترد على وهب تغمز بعد 20 سنه
<<<<< تذب علي يعني لا صرت كبرك لكن فوتها لها

بتقولون هالشيء تافه وبتكبر منه لكن هي ما وقفت على كلامهم
عندهم العباة على الراس تخلف والغطوه تخلف والقصير والتايت تمدن

وما بقى أغنيه أجنبيه ما حفظوها واليوم اللي ضيق خلقي
ان الولد جالس يغني أغنية أجنبيه لوحدة تدعوا للشذوذ في كلباتها وأغانيها

وقدوتهم مايلي سايرس ويعرفون كل شيء عنها
ولو قلتي لهم عددوا أسماء بنات الرسول عليه الصلاة والسلام ما عرفوا :44:

الحين للمجربين: كيف أتعامل معهم وكيف اوضح لهم ان ثقتهم بأنفسهم معدومه بدليل انهم يلبسون ثوب موب ثوبهم؟

وكيف أقربهم لنا؟
مع العلم ان جلستنا معهم بس مره وحدة بالأسبوع لمدة 4 ساعات بالكثير؟

وأخوي ما يبي يتزوج لين يأدبهم ما يبي وحدة تمرمطهم
ولا يبي يسكن عندنا لأنه اخونا من أمنا بنظره وش بيقولون الناس عنه !!!

فجلستنا الوحيده معهم هي فترة الزياره البسيطه فكيف نأثر عليهم
مع العلم إن أمهم تهدم كل اللي يبنيه أبوهم
إذا أخذتهم معها تقول للبنات لا تغطون وكل شيء عندها عادي
وما تكلمهم إلا بالانجليزي! "العربي مثل ما قلت لكم تخلف"

وخايفه عليهن صغار بالمتوسط وكل وحده معها جوال
ولا نقدر نتدخل بتربيتهن







13
2K

يلزم عليك تسجيل الدخول أولًا لكتابة تعليق.

تسجيل دخول

همس الآهات
همس الآهات
الله يلطف فيهم ويهديهم الى الطريق الحق ..
baby sitter
baby sitter

الحين صار لهم سنتين عنده
والأم من نفس قبيلة أخوي احنا اللي من قبيله ثانية
عشان كذا أخوي ما يبي يسكن عندنا عرفتي
ليتهم عندنا كان نحطهم بين عيونا
وأخوي ما يبي يتزوج امي ما خلته وكل شوي تذكر له بنات
بس هو معند الله يهديه

وطليقته خطبوها له عماته
وأمي عيت عليه ياخذها أول ما قال بيخطبها لكن للأسف ما لها كلمه عليه
وتحسف عقب ما أخذها وصار الطلاق

الحين مو مشكلتي انه أخذ زوجته وطلقها
أبي كيف أنا أأثر على البنات بشكل ايجابي
ويصيرون من نفسهم يفهمون ويقتنعون ان اللي يسوونه غلط


همس الآهات آآآآآآآمييييين
الله يوفقك
baby sitter
baby sitter
يرفع،،، أرجو المساعدة
كشتي حلوة
كشتي حلوة
ياقلبي ترى اكثر المراهقين كذا تفكيرهم حتى لوامهم وابوهم شديدين عليهم هذا تفكير المراهقين يوم نقولهم

اهتموبالحجاب يقولون وش ذي العقد لاكن يجبرهم اخوك على عدته ولاكبرو بيعرفون انه الصح
tooty7
tooty7
الله يهديهم