زوجي تزوج وبتسكن معاي وامصيبتااااااااااااااه

السلام عليكم ورحمة الله وبركاته

انا متزوجه لي سبع سنوات وعندي بنت وولد قصتي طويله وعريضه مع زوج جحد جميلي اول ماتزوجته كان ماعنده وظيفه

وقبلت فيه عشانه ملتزم يخاف الله المهم عشت معاه وايام تجينا مانلقى الا 5 ريال معانا المهم صرت ادعي كل يوم في سجادتي

ان زوجي يتوظف واصحيه يوميا الصباح يروح يدور وظيفه وكانت ايامنا حلوه وجات الوظيفه حمدت ربي وسجدت شكر

وبعد 4 سنوات صار زوجي يبيع ويشتري في التاشيرات وحكمها حرام نصحته وعلمته ومافي فايده وبنى فله درجها في الصاله

والحين احنا ساكنين فيها باثاث قديم وعلى كثر فلوسه اللي تجي من التاشيرات مااثث البيت انا شكيت انه بيتزوج بس

حاولت ابعد الشكوك من راسي الين جاء الاسبوع اللي راح وجاني الخبر مثل الصاعقه قالي انا تملكت وزواجي بعد شهر

انا كنت عند اهلي بكيت دم على حياتي معاه صبرت وشجعت ويوم طلع فوق جاب الضره صرت بس اتحيسب حسبي الله

الذي لااله الا هو الحي القيوم واتوب اليه وجلست عند اهلي بس اسبوع الاجازه اللي طافت والحين جيت بيتي راضيه

بقضاءالله وقدره لكن النذل فاجاني في انها بتسكن معاي في شقه في السطح 3 غرف ومطبخ وقال راح تنزل عليك في اي وقت

يعني خلاص حياتي معاه عليها السلام انا رفضت رفضا قاطع انها تجي في بيتي وقلت اذا شفتك تاثث انا تراني طالعه بيت

اهلي مفتوح ويقول بس فتره مؤقته وابني بيت بدرج مستقل انا رفضت وقلت انا كلمتي وحده مااغيرها واخواته يرسلون لي

رسايل ويتصلون علي يعلموني انهم ضده وانهم موراضين عليه وانا ماصدقتهم ولا كذبتهم الى الان وبيسوي زواج

في قاعه كبيره وانا زواجي كان في اصغر استراحه في الرياض قديييييييييييمه شفتو الرجال مالهم امان انا الحين كل يوم

اقرا سورة البقره واستغفر وباقي 24 يوم على زواجه حسبي الله عليها عمرها 19 وعلى طول حددو موعد الزواج من الملكه

الى الزواج بس شهر العجله هذي ليش مدري ورضت تسكن معاي حسبي الله عليها انا محتاره وش اسوي بس اقرا واستغفر

وش رايكم اطلع واخلي كلمتي وحده ولا اجلس على قلوبهم واقول لزوجي انا استخرت وماخاب من استخار