السلام عليكم و رحمة الله و بركاته ,
كيف حال الحوائيات :)
أسأل الله أن يديم عليكن الصحة العافية .
السالفة و ما فيها يا طويلات العمر أني بتخرج هالترم بإذن المولى <<<< بتعلم أنها بتتخرج خخ
و صديقاتي قالوا بنسوي حفلة تخرج بقاعة بأحد الفنادق و مجموع عدد الأشخاص 100 , و القطة بتكون أقل شي من 4000 ريال !
أنا صراحة أحسه مبلغ مبالغ فيه خاصة أنه عدد البطاقات ما راح يكون يسوى ,
فقلت يا بنت الحلا استهدي بالله و سوي لك حفلة على قدك و اعزمي حريّمكم و بنيوات جماعتس باستراحة و سوي لك حركات حلوة أحسن و أصرف من الفندق اللي ما تدرين وش بيكون فيه ,, لأني أنا خايفة من الموسيقى و اللبس اللي يحوم التسبد !
طبعا مجتمعي حدهم مفاطيييح :22: و إذا حطيتي سلطة و جريش و قرصان و نوع حلى :icon28:
فجا ببالي ان اسوي العشاء بوفيه و تقريبا عدد حريمنا 80 نفرة :o
فرحت أنا الله يسلمني و يطول بعمري و من يقرا :) و دقيت على النافورة و بكل ثقة قلت أبغى بوفيه لـ 100 شخص بدون طاولات و كراسي
أول شي هو صرخ و قال 100 شخص :eek: أنا ما ادري ليه صرخ !! قلت ايه مية <<< صاملة
قال داخل و لا برا الرياض ! قلت داخل
قال حسب الطلبات , لكن تقريبا عشرة الاف ريال من غير الذبايح
أنا :o
و قلت مع السلامة و قفلت السماعة مباشرة :(
فقلت ماله الا بنيوات حواء , ليت تفيدوني هل هذا السعر طبيعي و اذا معازيمي 100 أحط بوفيه على العدد لا أقلل !
و أحط مفاطيح و لا البوفيه يكفي !
و الله يعطيكم العافية ,
و لا تنسون تباركون لي بالتخرج :icon28:
هواي البر @hoay_albr
محررة
يلزم عليك تسجيل الدخول أولًا لكتابة تعليق.
حـنايا الروح
•
امممم شوفي غير النافوره عندك الفارس الي في شارع الستين طبعا في الرياض نظيف واكلهم حلو اسعارهم ارخص من النافوره
الصفحة الأخيرة