كل ماقربت انسى يذكروني

السلام عليكم ورحمة الله وبركاته
بدخل في الموضوع ع طول وباختصار
انا عزلت نفسي عن الناس عشان اريح راسي من اسالتهم وكلامهم عن الحمل
لكن احس اني ماسلمت لازم القى اللي يذكرني والله افتح التلفزيون والاقي برنامج يتكلم عن العقم اغير القناه
اشوف مسلسل يتكلم عن اللي مابتخلف او واحده قاعده تطلق وتتوجع والله اجلس ابكي اذا شفت هالمشهد وادعي ربي انه مايحرمنا ونجرب لحظة الولاده مثل كل الحريم
واللي زاد الطين بله امس كنت تعبانه موت عندي مغص كلوي اروح المستشفى الا وتستلمني الدكتوره اسئله ليش ماحملتي وووو اعطتني محاضره عن فضل الدعاء الله يجزاها خير بس ايش دخل المغص الكلوي في الحمل
وانا بس اهز براسي ماني قادره اتكلم من الوجع
والغريب ان كل الدكاتره اللي مريت عليهم بحياتي سواء رجال او نساء يتروكون المرض الاساسي ويروحون على مواضيع الحمل والعقم
والله اول مادخلت على الدكتوره قلت في نفسي يارب ماتجيب لي طاري الحمل انا بروحي تعقدت من هالسؤال
بس مافي فايده كانه احد موصيهم