اخواتي في الله
كل وحده فينا تتمنى انها تكون تاجره او ثرية
بس تعرفون الشغلة هذي يبي لها سنين طويلة علشان تصير الا اللي بيطيح على ورث
والنماذج اللي في حياتنا هي الدليل على الكلام هذا اي تاجر تقولين من وين البدايه يقول من الصفر او اب عن جد يعني الشغلة علشان تحسين فيها لازم تتعبين وتشقين فيها
الخلاصه نسمع كثير عن اسهم او مشاريع تقلب حياتك وتجيك الفلوس وانت جالس قبل لا نقدم على مثل ها الاسهم والمشاريع لازم نعرف نشاط البنك او الشركة او حتى الحرمة اللي بتستثمر الفلوس هذا اولا بعدين ابحثي في النت عنها او عن الطريقة اللي تتعامل فيها وبعدها وهو اهم شي دوري على الحكم الشرعي منها
واذا صارت تجوز استخيري وما خاب من استخار علشان تدخلين وانتي على بينه ومطمنه وتكملين المشوار وتنجحين
اما اذا سمعتي عن الارباح اللي تدخلها الشركة او الاسهم وقلتي معهم مبدهاش بدون تفكير ولا بحث في الحكم او الاستشارة والاستخار رحتي سجلتي وبدت تنزلك الفلوس زي المطر وانتي مبسوطة وانتي تتكلمين مع صاحبتك تقول ان ارباح الشركة مشبوهه بتصيرين في دوامه الفلوس وبين ايدي ارميها ولا اصرف منها وهي حرام بخاف اصرف منها على عيالي وسوقت لشركة على معارفي يوه اخاف اثمهم علي يالله الاوهام توديك وترجعك
فخلاصة كلامي انو كونوا على بينة من البدايه وفكروا قبل كل شي وقبل توقعون او تدخلون اي مشروع واسألي ناس تثقين فيهم علشان ينصحونك ويوقفون معك
لان الدنيا والله ما تسوى نتعب علشانها واتمنى انو ما احد يفهم كلامي غلط واخر شي بغيت اتوهق فيه هو الفوركس وهي تجارة العملات وفي الاخير اتضحلي انها حرام و ربا فالحمد لله اني ما تهورت
تالالولي @talaloly
محررة فضية
يلزم عليك تسجيل الدخول أولًا لكتابة تعليق.
اسطورة الحلم
•
الله يعطيك العافية
الصفحة الأخيرة