السلام عليكم بنات حواء .. شحالكن حبايبي
خواتي ما بطول عليكن.. بس بغيت اخبركن عن سكراب القهوه.. ترااااه عجييييب ... وانا جربته بنفسي ...اللي عندها مناطق سمرا في جسمها مثل البقع اللي تطلع في الرجلين من كثر اليلسه تحت ...والله ياخواتي تلاحظن الفرق من اول مره ومع التكرار يغدي الجسم زبده ..شو نعومه !!..شو بريق!! ..ويا سلام لو حطيتيه عالمؤخرة !!! تصير مثل البيبي ..
انا من زمان قايلتلي عنه وحده انه وايد زين لتنعيم المؤخرة من اول مره ...ومن فتره قريت عنه في المنتدى انه يزيل السيولايت.. ومن هااك اليوم وانا كل ويك اند اسويه ..انا جربت وايد انواع من السكرابات بس مثل القهوه مااااااافي ....
المكونات
2 فنجان قهوه ..قهوه خشنه
2 ملعقه ص زيت زيتون ....
تصبين على الخليط شوية ماي ورد وتخلطينهم ..ويلسي قبل الاستحمام ..بللي جسمج بماي دافي واشتغلي على السكراب فرك ..افركي بشكل دائري كل جسمج وركزي على المناطق اللي سمرا مثل بقع الرجلين ومفاصل اليدين .. والاماكن الخشنه ..والمؤخره ..والزنود والفخوذ.. للي تعاني من السيولايت ..
والله يا خواتي انا وحده انبهرت بنتيجة اخر مره .. حتى ماحطيت لوشن ترطيب بعد السبوح لاني حسيت اني ما احتاج..
اللي ماجرب سكراب القهوه !! يجرب الحين ويدعيلي دعوة حلوه :) ونعيما مقدما
عنوووود الصيد @aanooood_alsyd_1
عضوة نشيطة
يلزم عليك تسجيل الدخول أولًا لكتابة تعليق.
~أواخر الشتاء~
•
يسلموووو
الصفحة الأخيرة