^جوان^

^جوان^ @goan_15

عضوة فعالة

محرومه من مولود .. يقولها يمه

الأسرة والمجتمع

بسم الله الرحمن الرحيم

كل عام وانتو بخير ولو انها متاخرة ... كيف حالكم اخواتي

بدخل بالموضوع بدون مقدمات وكلي أمل ورجاء من المشرفات عدم نقل الموضوع لقسم
تاخر الحمل لانا سؤلاي مو عن تاخر الحمل ولاكن عن طريقه التكيف والتعامل مع الناس والاهم مع زوجي


بقولكم عن نفسي شوي

انا من قبل لا اتزوج وانا اعشق الاطفال وانتضر متى اتزوج ابي اشوفهم ومن اول ليله انتضر
هذا اليوم ومر اليوم الاول والشهر الاول وعدت سنه وانا عندي امل .. وهاذي السنه الثانيه
عى الابواب والامل مازال مستمر (( ونعم بالله ))

اذكر يوم اني صغيره وقبل تتزوج اختي الكبر مني كان في مسلسل اسمه ( ماما نوره ) مو حق حياة الفهد
لا القديم السعودي والاغنيه حقت المسلسل فيها كلمه مو قادره انساها مع اني ناسيه كل شي
الممثلين والقصه ما نحفر بذاكرتي غير هالجمله محرومه من مولود يقولها يمه

ولله كانت دموعي تنزل على هالكلمه واقول الاختي اكبر ابتلاء من رب العالمين انا الواحد ينحرم من الخلفه
هذا يوم كنت بالمتوسطه على ما اضن

وصدقت بكلمتي والعبره كانت بمحلها مقدمه المعاناتي الحاليه

ولله الحمد انا أنسانه مؤمنه بقضاء الله وقدره ولا عمري اعترضت لاكن عندي امل وحسن ضن بالواحد الاحد
انه بيرزقني لاكن متى ؟؟ هنا السؤال متى ؟؟

طبعا رحت المستشفى واخذت علاجات والمشكله انا ما عندي مشكله ولا زوجي لاكن ربي ما اراد لنا
الذريه .. لحد الحين

دعواتكم اخواتي ارجوكم انا بامس الحاجه لها


عزيزاتي في الغالب انا ما احب استشير احد في حياتي الزوجيه
لقناعتي محد بيفهم النمط الي انا عايشته غيري وكل وحده بتتكلم عن الي يرضي زوجها اهلها
وفطبيعه الحال تفكير الناس يختلف

لكن عند هالنقطه انا حترت ولا عارفه لي راس من رجل ولا حابه اسئل احد اعرفه
مابغى احسسهم بضعفي ونكساري

في الغالب انا متماسكه ومرحه وما احاول ابين انكساري لاحد حتى دموعي احتفض فيها لنفسي
لاكن ساعات امر بانهيار احس مو قادره اخبي واكتم اكثر وهالحاله ماتكون الى قدام زوجي


زوجي الله يوفقه ويخليه لي مايحاول يضايقني لاكن هو انسان وعنده مشاعر مرات ينهار مثلي
ويلمح .. وانا اقوله يبن الحلال لو تبي تعرس الشرع محلل لك .. طبعا انتو متزوجات ماله داعي اشرح لكم
شعوري ساعتها ..

بس افكر بعقلانيه العمر يجري والرجال مو صغير 35 بيدخل 36 متى بيشوف عياله ويفرح فيهم
وهو لا حرام ولا غلط ..

انا ادري لازم احسسه انا لسى بدري وما اخليه يحس بالنقص الي فيني
واتماسك قدامه بس مو بيدي مو عارفه كيف اتصرف ؟؟


واهله ودهم يشوفون احفادهم بالذات انه اول ولد تزوج عندهم

ما اضلم الناس وربي يحاسبني تالي .. مايرددون الى ****لله ما تمر تسع شهور ولدك بيدك

ولا يارب يفرح قلبك بضنا .. وربي الكلام يجرح مرات اسكت والدمعه بعيني

ومرات اكذب يارب لا تحاسبني واغفر لي واقول احنا مانبي عيال الحين ونمنع بس وشهالمنع
الي سنتين


بالله عليكم يبنات الي عندها حل تعلمني

كيف اتعامل مع زوجي ؟؟ واهله

والاهم من هذا كله مع نفسي

كرهت نفسي والناس والطلعه

عندي احساس بالنقص والحرمان فضيع .. من وحده تقولي انها حامل على طول اقول المعوذات
واذكر الله بنفسي وقدامها .. اخاف تقول محرومه وصابتني عين .. والله الناس ما تلمح الشي
لاكن من نفسي ما ادري ليه ..

اتضاهر باني ماعرف اشيل المواليد عشان محد يحط ولده ولا بنته عندي .. اخاف الناس تقول
مسكينه تشيل عيال الناس وهي وماعندها ..

وتلاقيني اتخلس مثل الحرامي عشان اشوفه ولا امسك ايده الصغيره

الي احب اوصله الناس من حولي زينين لاكن انا من نفسي اسوي كل هالاشياء
ومش في ايدي احساس الحرمان حدني

احد يقدر يفيدني كيف اتصرف مع نفسي

وجزاكم الله خير على قرائه موضوعي
52
3K

يلزم عليك تسجيل الدخول أولًا لكتابة تعليق.

تسجيل دخول

متآآملة
متآآملة
الله يرزقك
الدعاء الدعاء
وتوك مقبلة على خير سنتين توك على ان هالموضوع يسبب لك هم
تفاءلي وافعلي الأسباب مع الدعاء
اسأل الله العظيم ان يرزقك ويهب لك ذرية تقر عينك

اللهم يا مالك الملك تؤتي الملك من تشاء وتمنع الملك ممن تشاء وتعز من تشاء وتذل من تشاء
ارزق كل محروم ومحرومه
Ameerat Al-3shag
Ameerat Al-3shag
أسال الله العظيم ان يرزقكـ بالذريه الصالحه





ولاتضيقين صدرك يالغلا ربك كريم ان شاء الله ...





وإنتي ماصار لك كثير متزوجه حتى زوجكـ مو كبير والرجال غير المرأه يقدر ع الانجاب لحد عمر كبير بس مادري كم بالضبط





وربي داااايم اسمع عن حريم كثااار يتأخرون بالحمل وحده اعرفها بعد 10 سنين حملت




انا ماادري وش اقول لك بخصوص زوجكـ واهله لاني مامريت بها التجربه ولا عندي اهل زوج يعني مادري كيف تعاملينهم




بس حبيت اخفف عنكـ ولو بكلمه وحده بس ... ^_^




ومثل ماقالوا البنات لاتنسين الدعاء
^جوان^
^جوان^
الله يرزقك الدعاء الدعاء وتوك مقبلة على خير سنتين توك على ان هالموضوع يسبب لك هم تفاءلي وافعلي الأسباب مع الدعاء اسأل الله العظيم ان يرزقك ويهب لك ذرية تقر عينك اللهم يا مالك الملك تؤتي الملك من تشاء وتمنع الملك ممن تشاء وتعز من تشاء وتذل من تشاء ارزق كل محروم ومحرومه
الله يرزقك الدعاء الدعاء وتوك مقبلة على خير سنتين توك على ان هالموضوع يسبب لك هم تفاءلي وافعلي...
امين يارب العالمين

وشكركم على التفاعل السريع

ولله يجبر بخاطرك على توك مقبله على الزواج الي متزوجين معاي

عندهم الاول والثاني بالطريق الله يوفقهم ويتمم لهم على خير
^جوان^
^جوان^
لا يمكنك مشاهدة هذا التعليق لانتهاكه شروط الاستخدام.
امين يارب بمره ملك ويستجاب منك لي ولكل محرومه

وشكرك على التفاعل السريع

ولله اني كنت متضايقه حيل وتفاعلكم معاي خفف عني شوي

جزاك الله خير
أم الفراشتين
أم الفراشتين
الله يرزقكك الذريه الصالحه عاجلا غير اجل واذا تبغين تتغلبين على نفسك ادحري الشيطان باالاستغفار هذي كلها وساوس من السيطان واكثررررررررررري من الاستغفار وسنتين توك بدايه المشوار عادي حبيبتي لاتخلين الشيطان يلعب براسك ولا تخربين بيتك بيدك تقولين لزوجك اتزوج والشرع محلل لك واتي من داخل تتحطمين بالعكس المفروض تكونين اقوى من كذا قولي يمكن ربي اخر حملي لخيره لنا يمكن لو حملت بدري يجيني مشوه او معاق ماتدري وين الخيره وحاولي تروحين عند وحده تمرخ يمكن عندك شي بالرحم والاطباء عادة مايعرفون للطب الشعبي وان شاء الله نسمع بخبر حملك قريب (لاتقولين يارب عندي هم كبير ولكن قولي ياهم عندي رب كبيـــــــــــــــــــر)