حسب علمي ان اللوك البدوي تركيزه بالغالب يكون على رسمه العين بالأسود الفاااااااحم وبعدين اللعب بالشدو الأسود وتدرجاته
طريقتي:
مقاربه للسموكي واهم شي ركزت على رسمه العين+نهايه طرف العين
1-حطيت الشدو الابيض على الجفن الثابت
2-حطيت الشدو الرمادي البودره على نهايه طرف العين بالفرشاه الدائريه..وبحركه دائريه سحبته لفوق وبعدين تقدرين تمسحين الفرشاه بالمنديل وتمررينها على كامل الجفن الثابت فيظهر اللون الرمادي الفاتح اوالسلفر
3-الجفن المتحرك حطيت عليه نفس الشدو الرمادي البودره وسحبته بحركه دائريه لطرف العين
4-عشان اغمج هالمنطقه حطيت مسحه من الشدو الاسود على المتحرك وسحبته للطرف فققققققققققط..لا تسحبينه للون الفاتح اللي على الطرف
5-رسمت العين بالكحل الاسود
6-من فوق تدمجينه مع الشدو ومن أسفل العين سحبته ودمجته عند الطرف فظهرت تدرجات الألوان وظهر عند الطرف اللون الرمادي الغامج
7-لمعه تحت الحاجب+داخل العين تكحيله بالقلم الأسود الفاحم+الروج (حسب اختيارج )+الشدو حطيت الوردي الباهت
اللوك اللي سوته وحده من الخوات يزاها الله خير بالفوتوشوب
أتمنى يحوز على اعجابكن ودعواتكن تكفينا :)
مشكوووره