بنتي شو اسوي فيها ؟؟؟

الأمومة والطفل

مرحبا بنات شحالكم
بنتي عمرها 6شهور وعندها حساسيه بصدرها من انواع الفاكهه!:04:
كيف اقدر اعوظها باغذيه بنفس القيمه ؟

يعني اللي عندها اكلات للاطفال لاتبخل عليه وتشرح كيف اعوضها باغذيه بنفس القيمه الغذائيه وعلى متعوده على كل شي حلو شو اسوي فيها ؟؟؟؟؟؟؟؟:09:

ممكن اضيف للزبادي سكر عشان تاكله او بيضر بصحتها؟؟؟؟ :06:

وتسلمــــــــــــــــون
7
783

يلزم عليك تسجيل الدخول أولًا لكتابة تعليق.

تسجيل دخول

مريومتين
مريومتين
مرحبا اختي انا عندي الحل لما كانت بنتي كبر بنتج كانت تحب الحلو وايد بس قمت ما اعودها على الحلو بعد لا تنسين اختي ان السكر للاطفال ما وايد زين ممكن يؤدي الى السكري بعيد الشر عوديها على الاكل بدون سكر وملح لانها عقب بتعبج وايد لو ما عوتيها من الحين عطيها زبادي وخضروات مهروسه وفواكه مهروسة بدون اضافة ملح وسكر وسريلاك بالارز وعصاير مجففة انتي اسويها في البيت احسن من الجاهز وعن صدرها اعطيها معلقة زيت السمسم الاصلي ومعلقة ماء دافئ اخلطيهم مع بعض لين ما يصير اللون مائل الى الاصفرار اعطيها في اليوم 3 مرات لمدة 3 ايام وراح تشوفي النتيجة مضمون حبيبتي واشوفج على خير
الدكتورة نجلاء محمود
دلوعه نصور
ماهى الفاكهه بالضبط التي تسبب لها الحساسية؟
ممكن تصفي لي شكل هذه الحساسية؟
ماهو وزنها؟
ماذا ترضع؟
ماهى اخبار صحتها بصفة عامه؟
دلوعه نصور
دلوعه نصور
تسلمين اختي مريومتين على مرورج وان شاء الله بسوي اللي قلتيلي عليه ....
دكتوره نجلاء محمود تسلمين
ماهى الفاكهه بالضبط التي تسبب لها الحساسية؟
البرتقال - تفاح - يوسفي - الموز - والدكتور اللي اروح له منع عني الفواكهه كلها وقال لي عطيها خظروات بس ماشرح لي كيف اعطيها اهرسها ويا الرز او شوربه اذا هي تتحمل

ممكن تصفي لي شكل هذه الحساسية؟
بدايه الحساسيه كانت على وجهه يعني على خدودها بس كان عمرها 3 شهور والحين عمرها 6 شهور والحساسيه موجوده بصدرها يعني مااقدر اتعطر البريفيوم حتى ملابسها وملابسي والبيت كله ومنع عني الدخون - وريحه السجائر -والرطوبه يوم الجو حار مااقدر اطلعها برع البيت راح تتعب

ماهو وزنها؟ عند الولاده كان 4 كيلو والحين 7.8 ماادري اذا كان جيد او لا

ماذا ترضع؟
ترضع صناعي ابتاميل كمفورت2

ماهى اخبار صحتها بصفة عامه؟ صحتها وحركتها الحمدلله جيده بس الحساسيه اللي متعبيتنها ونسيت اقولج شي يادكتوره ان الدكتور وصف الها بخار 3مرات في اليوم
وتسلمين ياريت يا دكتوره لو تساعديني كيف اعوضها بدل الفواكهه
وممكن اعطيها الزبادي مع السكر شوي وبكون شاكره لج
الدكتورة نجلاء محمود
دلوعه نصور
بلاش زبادي مع سكر
الوزن اكثر من ممتاز ولا نحتاج ان نضيف السكر حتى لا نعودها على الحلو وبالتالي السمنه وتسوس الاسنان
ممكن تعطيها خضروات بدل الفاكهه
من خلال عمل شوربة خضار
بها جزر وبطاطس وبسله وفاصوليا وكوسه
سويهم في الماء بدون ملح
في الاول استخدمي نوعين فقط
لما تتقبلها ضيفي باقي الانواع
بعد ما تستوي في الماء اخلطيها بالخلاط في نفس ماء السوى
ثم ضيفي عليها نقطتين ليمون وبالهنا والشفا
هياوووووووي
هياوووووووي
هلا أختي:
أنا ولدي له 5شهور وأعطيه أرز مصري مع الجزر والكوسا طبعا مهروس
ومرات أسوي له بطاطس مهروسة مع الجبنة وماشالله عليه صحته ممتازة والحليب طبعا نفس الحليب اللي تستخدمينه لبنتك ابتاميل 1plus
وماشالله عليه وزنه الحين قرب من ال8كيلو