بسم الله الرحمن الرحيم
السلام عليكم ورحمه الله وبركاته
أخواتي عضوات وزائرات عالم حواء
لازم كل وحدة منا تتعلم كل شئ يفيدها حتى ما تحتاج لأحد غير الله سبحانه وتعالى
ومن ضمن ما نتعلم المكياج والتسريحات .. حلو إنك تتعلمين تسوين نفسك بنفسك
وما تحتاجين تروحين للكوافيرة ..
بتزيد ثقتك بنفسك ... وتسوي إللي خاطرك فيه ... وإنت في بيتك وما تخسرين
لامال ولا وقت ولازحمه
وأنا مثل ما إستفدت منكم أبي افيدكم بما إستفدت من مكياج وتسريحات
وجميع مواضيعي سواء في المكياج او الشعر ابي اخليها للاستفادة
ندخل في الموضوع ...
اليوم نبي نسوي تسريحه الفيونكه
وهي تسريحه حلوة وناعمه وتقدرين تسوينها إنت بنفسك
ومن غير كوافيرة وزحمه وخسائر على الفاضي
ومع داعيه إنت دائم كوافيرة نفسك >> ياويلي من الكوافيرات قطعت رزقهم
نبدأ على بركه الله ....
نحتاج في هذة التسريحه إلى
إستشوار . وإسبري . وبنس . ومشط
أول شئ إستشوري شعرك مضبوط
بعدين إربطيه ذيل حصان فوق الرأس بمطاط هذا المطاط الاول ...وخلي لك غرة
الخطوة الثانيه
نزلي خصله من شعرك وثبتيها ببنسه مع الغرة عشان نخليها اخر خطوة في التسريحه
نبي نرجع لها في الخطوة التاسعه
الخطوة الثالثه
إربطي مطاط ثاني في نص الشعر حتى يقسم الشعر إلى قسمين
الخطوة الرابعه
قسمي الشعر إلى قسمين حتى نبدأ بعمل الفيونكه
الخطوة الخامسه
ثبتي كل خصله ببنس وخلي ما تحت المطاط الثاني من غير تثبيت لأننا نحتاجه في الحشوة
الخطوة السادسه
ألحين الفيونكه مثبته وباقي منها الطرف ماتحت المطاط الثاني شووفي الصورة
الخطوة السابعه
الباقي من الشعر كمان إقسمه قسمين عشان نحشي فيه الفيونكه من فوق
نأخذ الخصله وننكشها شوي ونرش عليها إسبري وندخلها جوى الفيونكه ونثبتها
في الفيونكه ونسوي بالخصله الثانيه مثلها
والحكمه منها حتى تبان الفيونكه بشكل جميل ومثبت
الخطوة الثامنه
ألحين ثبتنا ماتحت المطاط في الفيونكه بالبنس ورتبنا الفيونكه
الخطوة التاسعه
ألحين نأخذ الخصله إللي في الاول ثبتناها مع الغرة
نثبتها بشكل مستقيم من الامام إلى الخلف
ونحاول نخفي ما بقي منها تحت الفونكه بشكل مرتب
بعد تثبيت اخر خصله في منتصف الفيونكه
هذا شكل تسريحه الفيونكه بعد الانتهاء منها
وممكن تسوين الغرة بالشكل إللي يعجبك
إن شاء الله تكون التسريحه أعجبتكم
والشرح مفهوم
ومع داعيه للخير أنت دائم كوافيرة نفسك معاً لنتعلم
وإلى اللقاء في مواضيع أخرى لتعلم التسريحات البسيطه