أبغــى مساعده .. قبل العطلة الصيفيه..

شوفي حبيبتي القصيم كله مافيه فساتين راقيه مثل اللي بالرياض ماعندنا حلو الالمسات طيبه ومحل واحد با النخيل اللي بجنب التامود بس هذا اللي اعرف انه زين

احس الساتان موضته قديمه

من العام وانا اشووفه بالمحلات

والراي لك اختي :26:

اختى مش مش

مشكورة ع الرد .. وكلامك صحيح ماعندنا شىء الله يخلف

الله يرزقنا :)

المشكلة ان كل اللى اعرفهم بالرياض لكن صعبه الروحه :( الله يعين

واحد الزواجات هناك


ام ولدي..

تسلمين على مرورك .. شرفنى

وانا ما سألت الا ابغى الصراحه ومشكورة

دلوعة بريده وشخبارك انتي الساتان من متى ههههههههههههه
اقول اللحين الشيفونات والدانتيل والموديلات الناعمه والساتان اصلاً موبأي احد يصلح له
يبيله جسم من قلللللللللللللب لأنه يطلع المصايب والهوايل وكل التضاريس ..
المهم ا ذا جسمك زين سوي ساتان ..
والموديلات انا مثلك عندي اكثر من 6 زواجات ولازم اسوي واشتري اكثر من فستان ..
فيه موديل عجبني .. انا من أنصار البساطه مدري يعجبك ولا لا
على العموم هو فستان يجيك ضيق ومن تحت نص الفخذ شوي شوي يوسع ..
ومن فوق يجي كوكتيل .. كله ناعم مافيه موديل
الموديل كله بالقطعه اللي بتنحط على الفستان ..
الفستان قماش عادي اختاري لك اي لون .. مثلاً أزرق غامق .. أو فوشي ..
والقطعه الثانيه مشغوله من نفسها .. يعني تشترين القماش مشكوك وخالص ..
يكون فيه لمعه فضيه وحركات ..
وتكون معلقه بالرقبه ونازله بشكل مموج الى نهايه الفستان من الوسط ..
ومثبته ومخيطه على الفستان ..
انشالله فهمتي الموديل ووصلت الفكره ..
وبالنسبه للجاهز ماظنتي بتلقين موديلات حلوه وكشخه بالقصيم ..
اذا قدرتي روحي للرياض او الدمام ..
الله يوفقك ..

هلا وغلا ام ماسة

شرفنى مرورك وتعليقك والله

اما بالنسبة للساتان .. اكيد مابينفع لى لأنى نحيفه :(

بس بصراحه موديلك شكله حلو مع انى مافهمته زين الطبقه المشغوله

كيف تكون ..؟

واما الجاهز عارفه نفسي ماراح يضبط لانى نحيفه

تقدرين ترسمينه لى ؟ < نشبه :) بس جد شكله عجبنى

ومشكورة مرة ثانيه