أختي
أحس إن الموضوع يختلف من شخص لآخر...يعني يعتمد على طبيعة الزوج وطبعا انتي أدري بهالشيء..اذا هو من النوع اللي يندمج في الحدث ويتفاعل مع الموضوع بطريقة ايجابية فخليه يدخل علشان يعيش وياج هاللحظات اللي راح تنعكس على علاقتكم وتخليه يحس بتعب الولادة ويقدرج زيادة وراح يساعدج أكثر لما ترجعون البيت..
أما اذا كان زوجك من النوع اللي يحب يمسك ويعلق على كل شيء أو اذا يقرف بسرعة أو اذا كان قلبه رقيق ما يتحمل هالمنظر فلا تخليه يدخل.. والطبعا الأمر راجع لج لأن أقرب شخص منه وانتي الوحيدة اللي تقدرين تتوقعين شو ممكن يصير...والقرار راجع لك..
أما عن تجربتي في ولادتي الأولى دخل شوية وأغمى عليه ما قدر يتحمل انه يشوفني وأنا اتألم...
في الولادة الثانية كان مقوي قلبه ودخله شوي وحاول انه يهديني...بس يادوب 5 دقايق وطلع ما قدر يتحمل الموقف خصوصا ان الولادة كانت متعسرة جدا وبطلق صناعي وكانو على وشك انهم يولدوني بعملية قيصيرية بس الله ستر وولدت طبيعي..
أم شماء
•
الصفحة الأخيرة
يووه كل ما اقول بعد كذا ما اثرثر ما اقدر لازم اقول قصة حياتي مررررررررررررة اسفة بس احب اقول اللي عندي
سلام