بنات.. أكررررره عمي أبو زوجي و السبب...؟؟ ساعدوني

بنات والله مالي غير الله ثم أنتوا...


مشكلتي وااايد واااايد صعبة...... خلني أقولكم القصة... أنا من لما عرفت زوجي بالجامعة كان وضعهم الاقتصادي جدا جدا حرج و السبب ان أبوه ما يشتغل.. مو سنة و لا سنتين عاطل.. لا..!!!




17 سنة




والسبب ان أبوه الله يهديه كان عنده محل مجوهرات كبير و كانوا عايشين في رفاهية تامة لحد ما خسر الفلوس ولعب فيها و شرى و شرى بس حال الانسان مايدوم و خسر كل الفلوس بالأسهم..


و صار عااااااااااااااطل و ياما حصل عروض شغل و لكن كان يقول أنا أشتغل و يعطوني 7000 ريال...

يعني ما حمد ربه و لا كان عندي أدنى أحساس بالمسئولية... و مسكينة والله أم زوجي ذهــــــــــب والله أعزها مثل أمي....

و أقول يا ربي كيف تحملت هالسنين... أخوانها يصرفون عليها و زوجي و أخوه.. يعني والله أحنه تونا متزوجين و اليي يعور قلبي و يقطعني ان زوجي في هالعمر الصغير مو بس يصرف علي.. لا على أهله و مرة مضغوط...

أنا عمري ما قلت له لا تعطيهم.. معاش الخدامة و مصاريف البيت.. و لأخته اليي بالجامعه و لازم أمه تكون عندها فلوس... و الوالد طبعا

و والله العظيم أن عمي و لا هامه.. و لا يحس بالاحراج و على فكرة لحد الحين يعرضون عليه يشتغل بس ما يبي..

و الله يا ويه أستح.. الا يقول لزوجي ها عطرك حلو جيب لي منه... أبي كفر جديد لتيليفوني... ما تجيب حق أبوك جوتي خاطره فيه..؟؟؟

و لو تشوفونه والله رزه و على سنكت عشرة... و برنامجه الليلي يروح النادي و لا المجلس مع اصحابه لين الفجر... يعني انسان فاااااااشل فاااااشل فااااااشل


و اليي ذابحني ان زوجي اليي يشتغل بالكويت و ما اشوفه غير يوميين بالاسبوع :( أحيانا بالليل والله يبكي مثل الأطفال و يبكيني معاه و يقول لي سامحيني حبيبتي لأني أشتغل بعيد عنج على أساس تعيشين حياة واايد زينة بس مو قادر و قلبي يعورني عليج لأن ما لج ذنب تتحملين اني أصرف على بيتنا.. مفروض على معاشي تكونين عايشة حياه واايد أحسن...


ااااخ والله اني بهاللحظه احس اني لو قدرت أقتل أبوه... أستغفر الله... بس والله العظيم مشكلتي اني أكرهه من أعماق قلبي و لا أتحمل سوالفه السطحية,,, و اجحاده لنعمه ربه...

فوق هذا كله هو انسان لا يصلي و لا يعترف لا بقران و لا اسلام... و ياما تصير خناقات قدامي و هو يسب بالدين و يقول حق زوجي ليه تروح التراويح كأنك تعبد أصنام تخيلوا... و زوجي على طول يمشي و لا يعطيه وجه كأنه ما سمع..

والله العظيم ان أم زوجي تخنقها العبرة لأنها ملتزمة و الحمدلله ربت أولادها بس زوجها مو قادرين عليه

و مشكلتي اني حاسة بالذنب لأني أكرهه و لا أتحمله حتى لما أسلم عليه أتفادى ان أبوسه لأن من جد يحسسني بالقرف... و أقول الحالة اليي أحنه عايشين فيها بسببك انت...

مادري كيف أحل هالمشكلة... ما أحب أن قلبي يشيل كراهية لأي شخص خاصة أبو زوجي بس شفتوا كيف الوضع معاه...

و الحين ان شاءالله راح يجينا نونو و بيزيد الضغط على زوجي.. و الي أمس خفت منه و احن جالسين على الفطور هو يعلق و يتطنز على السديس و الشريم انو ليه يبكوا على هذا الكتب.. أكيد ذنوبهم لي راسهم.. و الله و انا اكل حسيت اللقمة ما تنزل و جلست أقول بقلبي اسكت يالوصخ... أفففففففف والله اني كارهة نفسي و أتنرفز و أحس بدقات قلبي تتسارع منه...

فعلا أكررررررررررررررررررررررررررررررررررررررررررررررررررررررررررررهه

و أتذكر مرة قريت ان الطفل يحس لما الأم تكره شخص من دقات قلبها و الهرمون اليي يصير في الجسم.. و لما ينولد من يسمع صوت هالشخص يبكي... سبحان الله!!

و مابي ابني يكره جده لأن اول حفيد في العايلة.... بس ساعدوني والله تكفون...