تعبت من ها الوضع

الله يفرج همك

الله يشفيها بس هي وش فيها الله يحفظها لك وتترباء في عزك

هذا ابتلاء من الله وما يجوز الاعتراض عليه
وما اعتقد انه فيها شيء اذا شافوها الناس او عرفو بمرضها ...لان هذا شيء من رب العالمين مو منك انتي حتى تستحين منه
فطلعي البنت للحياة العامه وانتي بعد اطلعي وخليك طبيعيه
وكثير حالات اشوفهم كذا وبالعكس الاهل مدللينهم ويمشونهم ويعاملونهم عادي
خصوصا ان حالات داون ممكن تتعلم ...فلا تحرميها من ابسط حقوقها

اختي احمدي الله

والله اني رأيت حالات أعظم من ابنتك

ياربي لك الحمد والشكر

اختي عندها 3 بنات لايسمعن

وبنت معها ضمور بالمخ يعني ماتحرك ولا تكلم ولاشيء رحمها ربي

اجعلي ثقتك بالله كبيرة

ربما تكون هذه البنت حجاب لك ولوالدها من الناااااااااااار

اختي مهما كانت حاله بنتك احمدي ربك وافرحي فيها تدرين عاد ان الطفل يحس بكل مشاعر اهله سواء ان كان فرحان ولا زعلان تدرين بنتي عمرها 6 شهور ماشاء الله عليها احسها تحس فيني اذا انا متضايقه وا جالسه ابكي احسها تطالعني بنظرات تعور قلبي واحس ان مزاجها ينقلب مع مزاجي
افتخري فيها وخير فيها متلازمه داون مهي بنتك يعني بتقبلينها باي شكل واللي يحبك بيقبل بنتك باي شكل واذا بتحسبين حساب الناس صدقيني بيعلقون حتى لو كانت طبيعه مدري ايش يبون هالناس والله محد مخلي احد في حاله بقول لك على شغله صارت لي بس ابي ارويك ان الناس بس يبون يعلقون بسبب وبدون سبب انا بنتي ماشاء الله عليها يوم كان عمرها 5 شهور يعني الشهر اللي راح تقريبا رحت فيها المستشفى مرشحه يوم وزنها الدكتور قال لي وزنها ماشاء الله 8 كيلو يعني ولله الحمد وزنها ممتاز جدا
تخيلي يوم طلعت في الاستراحه انتظر ابونا يجيب الادويه الا وحده تقول لي كم عمر بنتك قلت لها 5 شهور قالت يييييووووووووه ليش كذا ضعيفه وصغيره واذا رجعنا لجدول الاوزان الوزن الطبيعي لبنت عمرها 5 شهور المفروض 6 ونص المشكله اني توني طالعه من الدكتور ويقول لي وزنها مثالي شفتي والمشكله الثانيه ان كان معاها ولد عمره تقريبا سنه مره ضعيف وقاعده تعلق على بنتي شفتي الناس ماتترك احد في حاله بس اذا بتابعهم بتعب وبتعب عيالي معاي يمكن كلامي كثير بس اختي ابي اوصل لك لا ينتقل شعورك وانتي ماتدرين لبنتك
في اطفال داون سيندورم خفاف دم واذكياء وحتى الانجليزي يتكلمونه خالتي عندها بنت داون سيندروم اللحين عمرها تقريبا 15 سنه لكن والله العظيم انها نور بيتهم واحلى شي عندهم خفيفه دم وتسوي حركات تهبل وعليها اسئله تجنن وتقول لنا اخبار المسلسلات لو فوتنا حلقه
الله يخليها لك وتشوفين فيها متعه الحياه اللهم اميين