شامبو هيربل @shambo_hyrbl

محررة ذهبية

حملة لا للتبذير يابنات ياله نبدء بالحمله من معي

بسم الله الرحمن الرحيم

بنات هالعالم بنات عالم حواء مااعرف لمقدمات بدخل في الموضوع علطول بنات جايه والله انصحكم مو انصحكم في طريقة لبسكم او غيره لا عن التبذير ايه التبذير في الملابس اسمعو سالفتي واحكمو اول كنت ازعل اذا امي قالتلي لاتحطين كل فلوسك بخلاقين ياحبيلها المهم كنت اجي الرياض ومن دبي والبحرين وكل سفره واشتري واحط بهالدواليب واعطي الجمعيه لاكن فيه اشياء مالبستها الا لبسه بحكم اني بعيده عن اهلي وماعندنا طلعات كثيره و اشياء للبيت جمعتها بوقت قياسي مدري مته شريتها ويوم جيت اسافر لمده طويله لزوم افضي الدواليب وغيره لاننا بنفضي بيتنا ونحطها كلها بكراتين وشناط وبنحطها بغرفه وحده ونأجر بيتنا جيت بفضي الملابس الا وش اشوف اكوام ملابس بالهبل خاصه للبيت وصيفيه كلها لبسه وحده واشياء لطلعات لبستها لبسه وشي بسعرها تخيلو الاندهاش الي على وجهي اشياء من دبي والله جديده بستكرها وشياء شريتها اصلا ماتصلح عريانه مره واشياء مدري ليش شريتها الله لايعاقبني بس صرت افضي وافرز الي للجمعيه والي باخذه والي بروح به معي والحين قررت واعلنت الحرب على نفسي مااراح اشتري لبس للطلعات الا خمس قطع منسقه للطلعات والاشياء الي كانت عندي بكرفها من تنانيير وبلايز وبناطلين وماراح اشتري الا للضروره اصلا ياما عندي اشياء مااحد شافها علي صدق اني مبذره يكفي والله هاذي زي الصفعه على وجهي عشان اصحى من الي انا فيه خلاص بشن حملة لا للتبذير بشراء الملابس مو لانها غاليه او رخيصه لا عشان الكميه المهوله عندنا من الملابس يالله يابنات هلمو ابي رايكم وكل وحده وش خطتها الجديده للشراء لهاذي السنه وهل بتسوي كنترول على دولابها ودولاب اولادها وزوجها ولا لا والبنت هل بتسوي كنترول على دولابها سواء طالبه او موضفه او ربة منزل الكلام للجميع

984

يلزم عليك تسجيل الدخول أولًا لكتابة تعليق.

تسجيل دخول

بنت البارقي • 13 سنة

صادقه والله احنا الحريم ياحبنا نكوم الملابس بالدواليب وانا زيك بس بحاول امسك نفسي شوي فلوسي كلها تروح بهالخلاقين

ام فجرs • 13 سنة

والله انك صادقه ملابس نخرجها جديده انتي شوفي في كل مدينه كم مول شي خيال

^Lover calm ^ • 13 سنة

فوووق

والله كلامك صحيح ياكثر الحريم في الاسواق لا وايام التخفيضات ياكافي كأنهم عريانين ماعندهم ملابس

معاااك

دانه خاالد • 13 سنة

صدقتي :(

المشكله ايدي تحكني مااقدر مااشتري تهي تهي تهي والله عندي ملابس لها3 سنوات بكرتهاااااااااااااااااااااااااااااا:(

الله لايعاقبنااااااا

أم رفيف الملكة • 13 سنة

والله يابنات مااشتري الا في المناسبات ملابس ومع كذا رجلي يقول مبذرة اجل لو يدري بكم خخخخخخخخخخخخخخ اجل ملابس بالتكيت تعطينها الجمعية خخخخخخخ
حتى اعيالي مااحب اكثر لهم ملابس وبرضو عنده اني غلطانه بس الحمد لله مااشري الا ماركات وتكد معك غسيل ولبس والمشكلة اتحداك تلقين الشئ الي يعجبك بسهولة للأسف اسواقنا عامرة بالردئ والموديلات البايخة الله يصلح الحال