لالالايفوتكم روبيان سويته لاأهلي يجنننن طريقته بالصور
اول مره أنزل موضوع طبخ يارب يعجبكم:cook:
هذا الله يسلمكم روبيان رحنا قبل أمس لبنده وأشوف الروبيان متسدح فوق الثلج ووالله دخل قلبي ومعدتي ووجداني:32:
قلت يابنت الحلال اشريلك كيلو لايفوتك وتحسفين بالبيت واملا لي كيس وارجع للبيت وماسويته لأني متأخره تعرفون الحريم لدخلن السوق لازم راعي المحل يطردهن:16: او يصك السوق!!!!
وأنتظر متى يجي بكره عشان خاطر الروبيان متحمسه
وافتح اليوتيوب ادور طريقه سنعه وبالنهايه اخذت أفكار وسويته على كيفي :hahaha: ب3 طرق مشوي ومقلي ومحموس مع بصل
اولا هذه الربيانه ميته:06:
اولا المشوي
المقادير
روبيان -ملح -خل -ليمون -كمون- ماجي - بهارات
الطريقه
أخذت كم روبيانه (الكميه اللي تكفيكم)وشلت العرق اللي بالظهر بخفه وماشلت قشره وغسلته ووضعته بزبديه وصبيت عليه خل ووضعت عليه ملح وكمون وعصرت عليه ليمونه وماجي ابيض وبهار وشوي ماء وتركته 5 دقايق وقلبته ابغا يدخل الطعم فيه
بعدين (أنا ماعندي شوايه) فاخترعت من عندي جبت اللي اسوي فيها التوست وصفيت الروبيان فيها وتركتها حتى حسيت انها استوت تقريبا ربع ساعه
وهذه الصوره
وهذه صوره قريبه
سبحان الله يتغير لونه الى الاحمر وهذه صوره بعد مااستوى
عساه يعجبكم يارب هذه الطريقه هي اللي اعجبت أمي وأبوي (امي يوم تشوفه بالشوايه (يعني جهاز التوست خخ)قالت مانبي هذا لاتجيبن لنا منه بس نبي المقلي والمحموس بس انا ماحبيت اكسر خاطر المشوي وجبتلهم منه يوم ذاقته هي وابوي قالت لا والله جيب زود ههههه مانبي المقلي !!!!!!
ياحبيلكم لاتردون ابكمل
لاتردون اصبرو ابكمل
184
24K
يلزم عليك تسجيل الدخول أولًا لكتابة تعليق.
الصفحة الأخيرة
المقادير
روبيان - ملح -خل - ليمونه - ملح -ماجي -بهارات -كمون
دقيق ابيض -بيضه -لبن- بقسماط
الطريقه
نظفت الروبيان وشلت العرق والقشر وتركت الذيل وغسلته
بعدين احظرت صحن ووضعت فيه الروبيان والملح والخل والبهار والماجي والكمون وشوي ماء
وتركته 5 دقائق مع التقليب والضغط ابغا ياخذ الطعم
بعدين قلبته بالدقيق مع الضغط عليه ثم وضعته بالبيض مع لبن (خلطت بيضه مع نص كاس لبن) ثم وضعته بالبقسماط
هذه شكله قبل
ثم وضعته بالزيت
ثم يممممممم طلع يهبل:icon33:
وهذ شكله النهائي و معاه صوص المايونيز عباره عن مايونيز وكتشب وملح خلطتهم جميع
وهذه صوره أخرى مع خويه المشوي آنف الذكر
وهذه صوره للعشاء
وثانيه
هاه وش رايكم :35:
المحموس ماصورته لانه ماسويت الا شوي وعطيته امي وابوي لانهم تعشو قبلنا ونسيت اصوره :06: ياخزياه منكم
قطعت بصل وحمسته وحطيت عليه بهار وملح وماجي بعدين نظفت الروبيان وشلت القشور والذيل ووقطعت الى قطع صغير ووضعته على البصل وحمسته حتى نضج واكلوه مع الخبز والرز والروبيان المقلي والمشوي
وسلامتكم
الله الله بالردود السنعه لاتفشلونن اول مره انزل موضوع ياعله فاتحت خير لان جوالي مليان كل ماسويت طبخه او حلى من حواء اومن غيره صورته بس العجز وسواياه :mad:ماخلان انزلكم
وان شاء الله ابنزل حلى وتطبيقات من مطبخ حواء:cook:
ولى اللقاء