مقبله على معدد وضره ،، نصايحكم

وعليكم السلام ورحمة الله وبركاته


الف مبروك حبيبتي الله يوفقك في زواجك ويرزقك الذرية الصالحة ويسعدك

نصيحه
لا تتنازلي عن أي شي
وحطي شروطك
واضمني حقوقك
انت داخله حرب اعصاب بارده
لازم نفسك يكون طويل
الزوجه الاولى لا تتدخلي فيها ولا تشوفيها ولا تشوفك ولا تخليه يجيب سيرتها عندك ولا تسئلي عنها علشان تريحي راسك
ابعدو عن بعض علشان تخف المشاكل بينكم والتوتر
واستخيري الله

:rolleyes:

وليش شارطه هالشرط الغريب

الزواج تكوين اسره ولاهو يوم ويومين ان شاءالله


بكرا تجيبي اولاد ويحتاجو اخوانهم حتى لو معنويا
ادخلي عليهم بسلام واكيد بالبدايه راح تواجهي صعوبات وعدم تقبل والله لايلومهم
بس اذا شافوك طيبه راح تنكسر الحواجز وتكونو اسره واحده

طبعا مو معناة كلامي انك تكوني متنازله وساذجه
لاخوذي حقك بس نفس الوقت بطيبه
والي تحبينه لنفسك حبيه لهم قبل

بقولك 3حالات ايجابيه شقتهم بعيني

وحده كذا تزوجت واحد متزوج ودخلت علو ضرتها بحب وسلام مو نفور واراد الله ان يكون كل ذريتها بنات
بعكس الاولى ماشاءالله عندها اولاد
المهم بعد كم سنه توفى الزوج
والله انا حاضره عزاء اول يوم ان الزوجه الاولى بس توصي اولادها على خواته والي يجونها يعزونها تقول روحو للبيت الثاني طيبو خواطرهم
والحين اخوانهم شايلين خواتهم بعيونهم والفضل يرجع لربي ثم ان الزوجه الثانيه مانفرت الزوجه الاولى منها


وبعد وحده ثانيه اعرفها تزوج عليها زوجها وانجنت خاصه انها كانت صغيره وحتى ضرتها كانت صغيره وبكر وتعرفي هالسوالف الاولى طار قلبها وقالت ماابغى اشوفها ولاابغى اولادي يشوفونها

ووصبرت الثانيه وصارت تتقرب لها رغم صدها وبالنهايه صارت قلوبهم على بعض لدرجة مره شفت الاولى تغير بامبرز للبنت الثانيه وعادي مبسوطه



ووحده ثالثه من جماعتنا ضرتين من كثر ماهم متفقات ومتحابات بعد كم سنه اشترو مزرعه بقريه وصارو يروحو لها كل شوي واسحبو على الزوج بكبره




بالعكس اوقات تكون الضره خيره اذا هي طيبه


والله يكتب لك كل خير

Fiy: الله يبارك فيك ياقلبي
لانا : مشكوره ياقلبي نصايحك رائعه
الاخت الرابعه : مرور رائع
ودي اصير عروسه : شرطي مو غريب بالعكس من ابسط حقوقي واضمنها بالنسبه لي انا طيبه حيل وماافكر اشتت او ابعد ابوهم عنهم لكن هل انا بلقى ناس مثل تفكيري وطيبتي !