وشلون تصلحون المخلل الاتي

ياحبيلك المخلل عندنا على قفا من يشيل
انا اذكر امي كانت تسويه
بس والله مدري وش طريقة ان شاء الرحمن ان مانسيت اسئلها واعطيك خبر

الله يجزاك خير اختي خلاص عافك الخاطر وانا منتظرتك ومنتظره البنات الفنانات بعد يالله يابنات وينكم .

انا اغلي الخل مع 4 اعواد قرنفل و اخليه يبرد, بعدين اضيف عليه المحلول الملحي, بصراحه ما عندي مقادير بس حسب الطعم يعني, اذوق و اشوف ايش ناقصه و ازيد عليه, يوم يبرد الخل مره احط الخضار و اسكر عليه عدل و افتح بعد 4 ايام و بالهناء و الشفاء

اختي انا عادة اخلل خيار او بصل ابيض..والطريقة اني اقطعة وانقغه في خل ابيض مع ملح ليما يغمره كله واخلية يالبراد 3 ايام وساعات اضيف له عصير ليمونه مع الخلطة..ويطلع حلو..

أختي لهلوبه هذي طريقتي في المخلل وهي سهله وتجنن
***المقادير:
3 كوب ماء
1 كوب خل
نص زهره
1 جزر حجم كبير
1 فلفل أخضر أو احمر بارد
10 حبات فلفل أخضر حاااااار
3 ملاعق كبيره ملح

***الطريقه:
يخلط الماء + الخل + الملح ويوضع على نار متوسطه حتى يبدأ في الغليان ثم أرفعيه عن النار وتركيه يبرد
يقشر الجزر ويقطع حلقات
ويقطع الفلفل الباردالى شرايح
وتفصل الزهره عن بعضها
ترص الخضار في برطمان ثم يصب عليها خليط الماء والخل ويغلق ويترك لمدة أسبوع
وبعد الدء في استخدامه يحفظ في الثلاجه

والف الف صحه وعافيه ان شاء الله