هلا الغاليه والحمدلله ع السلامه

اختي لاوم ها الالام تطول معاج لافيج شيء معوج ولا شيء والدخاتر مايعرفون الشغله هاي بيقولولج ماشيء

ولا بيسولج عوق اظني ماتبين خبر عنهم

لاتنسين انتي شاله ها الوزن الاشهر هاي كلها والعظام لي تقصدينها قبل الولاده تتفجج تبالها وقت بس نا اوصيج

لاتيلسين الا ع شيء لين واتجنبي التعب

يالغالية المسافرة ......
عندي نفس المشكلة وكل يوم اقول يمكن من الطلق الصناعي بيروح الالم بعد كم يوم لكن لحد الحين ماراح :(

هلا بك المسافره
بصراحه نفس المشكله اللي أعاني منها لما أحمل وخصوصا بالاشهر الأخيره
لكن مجرد ما أولد يروح الالم
صح لما ابذل مجهود كبير أحس بنفس الألم لكن مع الراحه والتدليك يروح

انصحك حبيبتي تسوي أشعه بالمستشفى حتى تعرفي وين مصدر الألم
أسأل الله العلي العظيم انه يشفيكي
تحياتي

مشكورات خواتي وماقصرتن..

أختي أصغر أم.. ياحليلج والله.. شايلة هم اليهال وانتي بعدج صغيرة ( شايلة همج هههههههه )!!
تقريبا بسوي هالشي وبشوف مع اني كم مرة أسير لدكتورة النسا بس أنسى الموضوع لأني أبقي أخلص بسرعة عنها وأطلع.. يزاج الله خير عالرد.. ومشكورة الغالية عالدعاء الحلو.. والله يخليلج أمج انتي بعد..


يزاج الله خير أختي تاتانيا عالرد وكلج ذوق وتسلمين الغالية..


هلا والله ألوفة.. خوفتين حبيبتي ههههههه.. ترى تدرين.. يمكن هالشي بعد صحيح.. لأنه من كملت الاسبوعين تقريبا قمت أغسل بنتي الأكبر وكان عمرها هاك الوقت سنة ونص.. وطبعا أشيلها.. حاولت على قد ما أقدر اني ما أشيلها بس المشكلة مرات أكون مضطرة وماعندي حد يغسلها والخدامة بغرفتها او نايمة.. والدكتورة كل مرة أسيرلها تقولي الرحم زين مافيه شي بس أنسى أخبرها عن هالمشكلة.. والظاهر اذا مالقيت تحسن بمر عليها مرة ثانية وبشوف.. والله يعطيج العافية.. وماتشوف شر ربيعتج بعد.. قوليلها لقيتي حد مثلج ههههههههه.. والله يعافي الجميع..


مشكورة الغالية نجمة العمر والله يعطيج العافية عالمرور..


الله يسلمج أختي وصايف.. عاشت أيامج حبيبتي.. والله أنا مثلج مرات أحس اني بطيح ويا الصغيرة بس الله يستر وأتماسك.. ياختي مادري شو اللي صابنا..من ألحين متكسرين بس شكلي بسير للي تمرخ.. وبشوف شو يصير وانتي بعد سيري وخبريني بالنتيجة.. وان شالله خير..


هلا والله بغلا دبي.. تدرين كلامج مثل كلام أختي بالضبط من يومين تقولي هالشي يمكن من الوزن بس أقولها ليش بالمرات اللي فاتن ماستوالي وهالمرة بس. . وكلهم تقريبا نفس الوزن اللي زدته.. والله مادري شو أسوي أسير الدكتورة والا لحرمة تمسح.. مادري.. وأحاول على قد ماقدر اني ايلس على شي لين بس الحين صارلي خمس شهور وماعتدلت 100% بس ان شالله خير.. وبشوف.. ويزاج الله خير عالرد..


هلا أختي وحبيبتي عاشقة القرآن.. تدرين انا ياي على بالي أطرشلج رسالة خاصة أراويج بنوتي اللي ويا بنتج.. بس سبقتيني بردج هذا.. عالعموم ان شالله نتحسن وشوفي شو يصير وياج..ومشكورة عالرد..


مشكورة الغالية أم حمودي عالرد.. ياختي بالحمل هالشي عادي لاكن المعروف انه يخلص من الحرمة تولد.. بس انه يستمر بعد الولادة الصراحة ماقد صارلي قبل ولا حتى خواتي صارلهم.. بس ان شالله خير.. والله يعطيج العافية..

انا نفسي الشي الدكتوره قالتلي نقص فالكالسيوم وفاليود لما اكثر حليب واكل سمك يخف اول مااقلل فيهم يرجع الالم ماادري بس هذا كلام دكتورتي