وردا على كل تساؤل عن الخلطه وعن نظامي وطريقتي خلال الايام الي استخدمت فيهاا الخلطه
والله الذي لا اله الاهو كل كلمه في هذا الموضوع عن تجربة والحمدلله على فضله استمريت عليها
http://forum.hawaaworld.com/showthread.php?t=2578968
وهذا رابط الشااي والصور
http://forum.hawaaworld.com/showthread.php?t=2584535
وشفت نتيجه ماتوقعتهاا والحمدلله ولاقوة الابالله ياليت يابنات تذكرون الله ماشاءالله ولاقوة الا بالله
انا طبعا لما نزلت لكم الخلطه مانزلتهاا الا وانا مجربتها وشايفة نتيجتها علشان كذا حبيت لكم الي حبيته لنفسي
ونزلتها لكم والحمدلله انتم ماقصرتوا الله يجزاكم كل خير على طيب دعواتكم وتشجيعكم لي وبعد استمراري عليها
لمدة شهر وعشرين يوم تقريبا بصراحه النتيجه اذهلتني وبتذهلكم لكن هذا ماجاء من الخلطه وبسس لا كان لي نظام
هو عادي جداا لكن حبيت اذكره لكم يا اخواتي ولكل وحده سالتني انا وش اسوي مع الخلطه ريجيم ورياضه او تخفيف
وانا بقولكم تجربتي بالتفصيل الممل لعيونكم وكل حرف يشهد علي الله اني صاادقه فيه ما ابي منكم الا الدعوات الصادقه
لي من قلوبكم المحبة للخير بارك الله فيكم
نجي للخطله
طبعا انا نزلتها في شهر رمضان الله يعيده عليا بالصحة والعافيه في 22 رمضان بعد ماجربتهاا واستمريت عليهاا ومن قبل رمضان
كنت استخدمها لمدة اسبوع وشفت اني صرت احس اني خفيفه وبطني خف شوي ونزل وزني كيلوين بعدها رجعت للخلطه في اول رمضان
واستمريت عليهاا الي اليوم والنتيجه بفضل من الله ثم بالاراده والاستمرار عليها يوميا كنت اسوي ترمس ولايوم تكيسلت ولا سويته
ونزل وزني 14 كيلو و370 جرام لحد اليوم والي تبي توصل لهذي النتيجه تستمر على الخلطه مو تجي بعد يومين او اسبوع وتقولي
ماسوتلي شي ولانحفت عليهاا لا استمري والسر الثاني الي بقولكم عليه مع الاراده هو السبب في نزولي المذهل لكل من شافني زوجي اهلي
صديقاتي وحتى الكوفيره لما رحت اصبغ شعري سالتني انا وش مسويه علشان صار جسمي مره حلوو يابنات ماشاءالله
والبرنامج او النظاام الي كنت اسويه بسيط جداا جداا
وراح اقولكم عليه مثل ماوعدتكم يالغاليات ربي مايحرمني منكم
السر الثاني في نزولي 14 كيلو كان التخفيف بشكل كبير في الاكل يعني كنت اكل
لكن اخفف وابتعدت عن الرز بس مره وحده في الاسبوع
وابتعدت عن الحلويات تقريباا ممكن اقول بنسبة 70% الميه ماكنت اكل كثير حلويات
بحكم اني ما احبهاا لكن ماحرمت نفسي اكللت بس
مره وحده في الاسبوع احلي عادي اي شي نفسي فيه وابتعدت عن الببسي والميرنداا
والله كنت اموت فيها قبل كنت اشرب احيانا قارورتين ميرندا
واذا اشتهيت مره اشرب بيببسي دايت مرتين في الاسبوع
والسر الخطير الثاني كنت اشرب كوب من شاي وايت تشاء
اذا اكلت احط ملعقه صغيره شاي وايت تشا في كوب وعليها ماء مغلي
بعد الاكل بربع ساعه
وبعدين استمر اليوم كله اشرب من الخلطه وماكنت اكل بين الوجبات واخربط اي شي ما اكل لكن اذا جعت اكلت
حبه موز وعلبة زبادي
خالي من الدسم او حبة كيوي وعنب وعلبة زبادي وما اكل الا وجبتين بسس
في اليوم الواحد مثلا انا ما احب الاكل الثقيل اذا صحيت من النوم
اخذ حبة ونص صامولي وكوب شااي عادي وأكلها
وبعد كذا كوب شاي وايت تشاا وبسس اجلس اربع الي خمس ساعات ما اكل شي
بس اشرب من الخلطه وفي العشاء اكل ثلاث حبات بيض مسلوق
وصامولي حبتين وكاس عصير توت بسس وبعدين كوب شاي وايت تشا
اوقات يكون العشاء مختلف مرات يكون كشري اكل لحد ما احس اني شبعت
يعني ما اوصل للشبع الي يغث البطن او ورق عنب وسلطه وعلبة زبادي او اكل بيتزاء
اذا حبات صغيره اكل اربع فقط حبات اذا كبيره ومقطعه اكل ثلاث قطع
اشرب ماء بين الوجبات يعني علبتين ماء صحه اخلصهاا في اليوم اذا اشتهيت
فشار مثلا اكل الكيس الصغير بس يكون بعد الوجبه با اربع ساعات
ماسويت ولا نوع من انواع الرياضه بس تخفيف ومع شغل البيت اعتبرها رياضه
لإن ماعندي خادمه وانا اسوي كل شي بنفسي يعني العجازات اقولهم
شدوا حيلكم وخلكم مثلي انا اسوي كل يوم الخلطه بنفسي وماخليتها ولا يوم لان كان عندي
ايمان قوي بالله اني اذا اجتهدت راح القى نتيجه ترضيني والحمدلله
وصلت للي ابي جسم مشدود ردوف حلووه مافيها زوائد تشوه شكلها خصر منحوت منحوت
وبطن لاصق في الظهر وهذا بفضل من الله عز وجل وثم بالعزيمه
والاراده الاراده تصنع المعجزات لكن انا ما اعتبرها الا شيء
رائع وحصلت عليه بالاستمرار ووكنت اضعف والحمدلله
لكن كنت امسك نفسي وهذي النتيجة تخلصت من 14 كيلوا وهذا بسس الي كنت اسويه لاريجيم لكن مافيه خربطه بين الاكل والحمدلله
حبيت اقولكم تجربتي علشان اكثر البنات لما تجرب ريجيم تبي تستمر يومين وتبير تنحف في يومين
اقولكم لا مافيه شي يجي بسهوله وماراح تلاقين نتيجه في يوم وليله مستحيل اذا بتسوين ريجيم
استمري عليه ولاتشوفين وزنك الا بعد مايمر اسبوع وساعتها بتلاحظين الفرق يابنااات
والله العظيم اني اجلس بالعشره ايام ما اس الا بنزول بسيط هذا كان في البداية ما احبطتني النتيجه
استمريت وبعد كذا صار نزولي سريع ماشاءالله واستمريت ولقيت النتيجه المذهله والحمدلله
ماشاءالله ولاقوة الابالله الي حابه تستمر على الخلطه تستمر بدون ماتطفش او تمل بعد اسبوع
او عشره ايام انا لي اليوم اكثر من شهر وعشرين يوم مانزلت بسهوله لكن بالتدريج
وحاسه ان كل شي البسه روعة
ماشاءالله المقاس اختلف وصار اصغر با اربع نمر بدال 42 صار 38 وبسهوله البسه ومظبوط علي
الي حابه تسالني اي سؤال انا حاضره بس كل شي كتبته لكم وتجربتي بين ايديكم الي حابه تستمر عليهاا
لاتخاف ابدا من الخلطه
ماصارلي اي مضاعفات والحمدلله
لا امساك ولا اسهال وانتم بكرامه
لا غثيان ولا اثر على بشرتي بالعكس صارت مشدوده كثير
يديني والافخاذ وباقي الجسم ماشاءالله ولاقوة الابالله
ماغيرت ولا قللت ولا حذفت شي من الخلطه
انا استخدمها مثل ماكتبتها لكم الي الحين وبوقف عنها هاليومين
الي في نفاس ولا هي ترضع تستخدم الخلطه بدون خوف
الي ترضع انا اقولها لاتستخدمين اي شي للاخلطتي ولاخلطة غيري
لان وحده من الاخوات قالت انها استخدمتها واستفادت منهاا لكن ولدهاا
على طول يبكي وماهداء الا لما وقفتهاا يعني الي ترضع تبعد عنهاا افضل
مفيده جداا لانتفاخ البطن والغازات تخلصك منها بسهوله وعن تجربه
هذا كل الي ممكن تعرفونه عن نظامي في خلال استخدامي للخلطه
واتمنى اكون جاوبت على كل استفساراتكم وتساؤلاتكم
كل وحده منكم سالتني على الخاص او في الموضوع نفسه وتاخرت عليهاا
اعتذر منكم كلكم كنت جدا مشغوله مو ملحقه عليكم معليش المعذره منكم ياعسولات
شكر خاااص
للمشرفه الرائعة رياح الغربه بشكل خاص
لوقوفها بجانبنا ومساعدتنا ماتقصر الله يجزاها خير
ولكل مشرفات القسم الله يعطيكم العافيه ولايحرمنا
منكم وكل مشرفه زارتني وشكرتني على مواضيعي
لكم كل التقدير والاحترام والحب الصادق في الله مني لكم
الف الف شكر وادري كلامي ماراح يوفيكم حقكم
لكن انتم والله ماقصرتوا ربي يوفقكم بارك الله فيكم
رساله هاااامه لكم يالغاليات
اشكركم جميعاا على طيب تواجدكم وصدق دعواتكم
وبصراحه اخجلتوني جدا بكل الكلام الي كتبتوه عني
ما ادري كيف اشكركم او افيكم حقكم بارك الله فيكم
واتمنى اكون عند حسن الظن بي دائمااا
واتمنى اني ما خذلتكم ولا لحظه وحده بشي كنتم تتمنونه
وانا ماقمت بواجبي ناحيتكم لكم كل الوود مني ولكم مني
ان تلتمسوا كل العذر لشخصي المتواضع وانا مثل ماكلكم
عرفتوني ماراح اتغير الا للاحسن ان شاءالله
واي سؤال عن هذا الموضوع انا حاضره لكم جميعاا
وبالنسبه للشاي كل الي طلبوه مني انا ارسلته لهم اليوم
واعتذر منهم عن التاخير لكن تم الارسال واعطيتهم خبر
ومعليش انا ما اقدر اوفره لاي وحده هذي مسؤليه وتعب
يمكن اتاخر والبنت تاخذ في خاطرهاا انا تاخرت على البنات
لكن اتمنى يعذروني والله الظروف لكن تسهلت والحمدلله
انا ماكنت انام من التفكير متى ارسلها وارتاح علشان كذا من
الحين اقولكم المعذره ماراح اقبل اي طلب بتوفيره بارك الله فيكم
وانتظركم بتفاعلكم ومحبتكم ودعواتكم ماينجح اي موضوع الا فيكم يالغاليات
الحين بقرأ موضوعك الاساسي
والف شكر