مشكورين كلكم والصراحة افدتوني كثير...انا عندي مطبخ تحضيري في بيتي فعندي بعض الاشياء اللي ذكرتوها واليوم كنت افكر في الادوات الكهربائية..انا عندي عصارة البرتقال وخلاط العصير وخلاط الكيك..بس رماية ابي اعرف مولينكس القاها في وين؟؟عند المناعي؟؟؟
ولصراحة اول مرة ادري ان ماركس يبيعون جدور!!!

اختي مولينكس تلقينها في كل مكان انا اشتريها من اي مجمع ادخله

بعدين ماركس يبيع انواع من المقالي العميقه الي تقدرين تسوين فيها اي شي شوربه عيش اي شي الي معاها غطا وملاعق الطبخ وحتى مقالي البيض والكريب

وتعرفين الوك wok الصيني مقلاه عميقه وايد تقدرين تطبخين المعكرونه او تقلين فيها شي او حتى تسوين الرز

والشوربه انتي جربي اغراضهم صدقيني جوده ماتخيلينها حتى ام زوجي يوم شافتهم استانست عليهم وايد :27:

اختي ام علاوي مبروك البيت الجديد

اشتري جدور المنيوم الثقيله للطباخ للاكلات التي بها الرز

اما التيفال فما ينفع لعمل الرز -- خصوصا ان الخدامات يشمخونه عند الغسيل وما يتم عندك شهر

واشتريلك تيفال طقم كامل للطبخ للاشياء الثانيه

اكيد بتلقين هذي الاشياء في كارفور وبتلقين بعد مولينكس عندهم

ونصيحه لا تشترون من مارك سبنسر لانه يهودي

لا تكثرين مشتريات علشان ما يصير المطبخ زحمه عندك واذا احتجتي شي اضافي اشتريه بعدين

ولا تنسين تخلين الخدامه اللي بتروح معاك تتعلم الطبخ من الحين من ام زوجك

بنات ماتتخيلون شكثر افدتوني...والله كل هالاشياء كتبتها عندي في دفتر عشان لا اروح السوق مانساها...
رمايه حبيت اسالج..انتي من وين تشترين استكانات شاي وقهوة للضيوف؟؟

اختي ام علاوي انا ولا مره شريت استكانات شاي ولا قهوه في حياتي ولا اعرف في هالمواضيع صراحه

لان ام زوجي تشتريهم وهي مشالله عليها ماتحب الا الشي الفخم جدا والغالي وانا استانس على اختيارها لانه يكون غريب ومميز