شوفوا وش رد اخوي يوم سالته عن المرأه الا اخذت عقله

اهلين بنات كيفكم وش اخباركم
اليوم حبيت اشاركم موضوع دار بيني وبين اخوي هذا الكلام له تقريبا شهرين بس اذكره كل مامر موقف قدامي لزوجته وبرضوا للبنات هنا
ماكنت افكر اكتبه بس اللي خلاني اكتبه قريت وحده هنا تقول ان الحريم الجميلات والسنعات مالهم حظ مع ازواجهم والحريم العاديات والاقل من عاديه حظها قايم
هذا الله يسلمكم اخوي كان متزوج من وحده حلوه ه ه حتى اذا شافوها ناس في زواج بعد ماجبت ولدين يخطبونها
كان بدايه زواجه طاير فيها لكن مع السنين شفنا الهم عليه وتغير دايم مكتم
بعد كذا صارت المشاكل تبان عليهم شبه يومي ونتدر مانشوفهم يضحكون
بعد الصدمه لنا انه جا وقال تراني طلقت فلانه اثاريه طلقها كذا طلقه قبل
امي انهارت
ليه. ام عيالك. ليه العشره وين راحت ليه وليه المهم ماكان يرد ابدا
بعدها تقريبا ست او سبع شهور الا وهو يقول اخطبي لي امي رافضه المهم اللح على وحده من خواتي ولقت له بنت الحلال رحنا وشفناها انا قلت نهائيا ماراح يوافق عليها المهم ماصدقته يوم قال توكلوا على الله
وصار الزواج ةالبنت مملوحه ماقول حلوه مره والاشينه بس اللي يشوفها يقول ياملحها اخوي الحين له ثلاث سنوات متزوج وسعيد الله يهنيه وبنت الحلا ماشفنا نها الا كل خير
المهم جلسنا مره انا وياه نتقهوا الا وينط ذاك السوال في بالي
قلت يفلان كيف مع زوجتك مع العلم انها الا الان محملت وهي مافيها شي ابد يوم كشفت
قال هذا لو عارفتتها من زمان والله اني مخليتها بس الدنيا حظوظ
قلت طيب زوجتك الاولى بصراحه حلى بكثير قال تخلي حلاوتها الها
وش يسوس الرجال بحرمته اذا كل ماقامت وقعدت قالت انا اصلا جميله انا اذا انت ماتبيني ارا غيرك يبيني انا لو ترةح تلف الكون ماتلقا احد بجمالي وسناعتي وانا وانا مليت منها ادني شي انا وانا
غير غيرتها المشكله تقول جميله وهي اللي تغار من اللي اقل جمال منها هذي عاقله فاهمه الحياه ةاالي لها واللي عليها
اذا قلتلها انتي تغارين من فلانه وفلتانه قالت ليه اغر انا ناقصني شي زوجي مكملني من الى واذ غرت انت اللي بتتعب
يقول هذا بعد الرجال اللي مثلي وزوجته جميله برضوا بيقول نفس الكلام الا من رحم ربي من الزوجات
عشان كذا لانقولون جميله والا مو جميله قولواه سنعه وذربه وكفوا مع زوجها وابو عيالها وتحط اكبر همها اسعاده وراحته واحترااااامه قبل كل شي



والحين ودي تقولون نجاربكم او صديقاتكم وارائكم بعد هل هو صحيح الكلام ذا والا لا