صباح الخير اخباركم ياحلوات
اليوم تذكرت موقف لي وانا صغيرة وربي يابنات بس اذكر اضحك على نفسي واهلي كل مايذكروني فية يضحكوون المهم الموقف في بلاهه على براءة مع شوي غباء مدري وش احس فيه المووهم تخيلو كنت طالعه مع الوالد كنت صغيرة يمكن باولى ابتدائي وقابلنا جارنا سوداني عند الباب بالشارع المهم الوالد كان يتكلم معه ماادري وش كانت السالفه وانا جالسه افكر وتجيني الفكرة الخونفشارية وياريتها ماجت خخخ تخيلو يبنات مسكت يد السوداني وجلست افرك وادعك فيها ابي اشوف اللون يتغير ولا ﻻ المهم السوداني طالعني وهو يضحك ويقولي ماتخافي يابنتي اللون سابت يعني اللون ثابت مايطلع وانا على بالي لو فركت بيتغير اللون
السودان واهل السودان على عيني وراسي ولله
ياريت ماتزعلون مني ترا كنت صغنونه ماادري
المهم ياحلوات نبي مواقفكم ايام الطفوله نغير جو ونعيش حياه اسرية سعيدة
كيك وحلاو @kyk_ohlao_2
عضوة نشيطة
يلزم عليك تسجيل الدخول أولًا لكتابة تعليق.
إضاءات
•
انا اتذكر كان عمري تقريبا 7سنوات واختي كانت تمشطني وانا مااحب احد يلمسني واقعد اصيح واقولها تشوفين اذا كبرت وانتي صغرتي والله لاامشط شعرك ههههههههههههه
الصفحة الأخيرة
اذكر خال ابويا الله يرحمه ويغفرله كل ماجاء عندنا يبوسني بوسات وامسحهم وهو عارف ويعاندني بس والله كنت مرة استحيء من هالحركة والمشكلة ماتصير الا معاه