ادري مواضيعي هالايام كثرانه بس شكلها العاصفه التي تسبق الهدوء
واليوم موضوعي ..يمكن مكرر بمعناه لكن بألفاظه وتنسيقه مختلف
تدرون وش قلت لعيالي ؟؟
لما أقولهم روحوا صلوا أحيانا يستثقلونها , واحيانا اعصب عليهم وأنا متأكده
انها ماراح تجيب نتيجه ..... فوش سويت ؟؟
قلتلهم اسمعوا يماما :
انتم يوم القيامه تجون تطلبوني حسنات وانا اقولكم والله آسفه نفسي نفسي
يعني نفسي اهم منكم ألحين
ياماما سامحوني يوم القيامه ما أقدر أعطيكم .. عشان كذا انا بالدنيا اعلمكم وانصحكم واعطيكم اللي اقدر عليه .. وأكون راضيه عن نفسي واقول ان شالله
اني ماقصرت معهم وماتلوموني انتم بعدين تقولون ماعلمتنا ولا اهتمت فينا بالدنيا ولا بالآخره
( طبعا الله يحفظهم عيالي صغار 8 و9 سنين عشان كذا ترى الاسلوب تقريبي لهذاك اليوم )
عاد انتم ياأخواتي هنا (( خوذوا الكلام اللي يجمد على الشارب ))
اجعلي كل كلمه تقولينها او ردة فعل تكون عمل صالح وأجر وصدقه
انت وضعك بالدنيا المفروض يكون .. نفسي نفسي لترتقي بها حيث الجنه
ثم يوم القيامه .. نفسي نفسي ..لا أب ولازوج ولا واخ ولا ولد بتعطينه أي شي ...لأنك محتاجه
طيب
اجعلي كل فعل لله تعالى واجمعي وأجمعي عشان لما تحتاجينها
وأتكلم هنا بخصوص اخواتي اللي جمعني فيهم منتدى احببته وأسأل الله تعالى
ان يجمعني بهم في نوادي الجنه وقصورها >> قولوا آمين
اقول لهم :انتبهوا لمواضيعكم وفكروا بالموضوع قبل لا تحطونه ايش الفايده اللي يجنيها
ممكن تكون فايده دينيه , او اجتماعيه , او مجرد دخول سرور على قلب مسلم بموضوع ترفيهي
المهم انه مايكون يجرح احد وتأثمين ..تأثميييييييين
وربما يكون او يكونون اصحاب الموضوع مادروا عنك
او يكون فيه بهتان وقول زور او تعميم لخلق ذميم >> وياويلك من الله
وردك شالمشكله انه يكون باسلوب يخلي صاحبة الموضوع تستحي من قمة ذوقك
ردي عليها باسلوب تحسين انه ينفع وممكن تتقبله بس اذا ترددت .. فورا اامسحيها ولا تضيفين الرد
اخواتي
والله اتضايق لما ادخل موضوع القى فيه هوشه بسبب هالموضوع اللي مامن وراه فايده
يالله .. يازين طيب السيره والخلق مثل حامل المسك وين ما حل يعطر المكان >> كوني هو
وهذا انا نصحتكم مثل عيالي وانا بالدنيا وهذا حقكم علي لانكم خواتي
وانا وانت يوم القيامه نفسي نفسي
فراشتكم : نفس مطمئنه
لا اله الا الله
يالبى لسانك بس
الله يحفظك ويحفظ عيالك
والله صادقة بكلامك