زوجي النفسيه

السلام عليكم

يابنات أمس طلعت أنا وزوجي نتقضى للبيت ونفسيات مره حلوه ومن ثلاثه ايام وانا متفقه معه نروح للصيدليه وكل يوم يقول بكره أمس كنّا متفقين نروح نتقضى ونمرالصيدليه رحنا للهايبر واخذنا خبز واغراض للعشاء واتفقنا وش نتعشى قلت له وانا بهايبر بنروح للصيدليه حسيت ماوده قلت خلاص بكره مو مشكله آيه عادي طلعنا ومر محل بياخذ من أغراض له بجنب المحل هذا الجدار بالجدار صيدليه قلت له باانزل أخذ اغراضي فيما تخلص من المحل قال لا جلس بالمحل تقريباً عشر دقايق بصراحه ضقت بنفسي ليش ماخلاني انزل وأخذ اغراضي ونستغل الوقت احنا واقفين واقفين لما ركب قلت له لو مخليني انزل مو احسن وأخذ اغراضي عصب وقال إنتي قلتي بكره قلت آيه صح أنا قلت بكره بس ماتوقعت أنا بنوقف عند صيدليه بس بااستغل الوقت عصب وقال انزلي قلت لا خلاص أنا كان قصدي استغل الوقت احسن من جلستي بالسياره وبعدين يمكن ماالقىوكل اغراضي هنا بس بااخذ المهم واللي بالقاه مشى وهو معصب مره وبيروح لصيدليه ثانيه قلت له خلاص بكره بكره كل المسأله ودي أني نزلت يوم كنت واقفه عصب وماعاد كلمني نهائياً ولماسئلته كم يبغى من ساندويش قال لا ماابغى عشاء وطلع وتعشى برا ورجع للبيت متأخر وراح للدوام مواصل وطلع الصباح وافطر برى ومايكلمني نهائياً بس تعشى بالبيت وما طلب مني على طول ارسل لي واتس أب وقال صلحي عشاء وكتب وش يبغى والى الان زعلان ومايكلمني حتى اذا شايل الولد ويبغى يعطيني اياه ينزله بالارض مايعطينياه كذا
للمعلوميه زوجي نفسيه يزعل من الكلمه والنظره وإذا ماتكلمت الكلام اللي في باله مره متعبني زعله كثير ويجلس مايكلمني يوصل لشهر وشهرين وإذا زعل مايطلب مني شي حتى أكله من برى واربعه وعشرين ساعه يهددني بالطلاق
أنا غلطانه في تصرفي وهل السالفه تستاهل الزعل هذا كله ش الحل معه