بنآت وياعرآيس ومين لها خبرة تجي

التقسيم على حسب احتياجك عادتكم انتي
اذ في زفه لازم تحسبي الميزانيه
الذهب مهم لك اولا
اسنانك والبشرة لاتبخلي ابدا روحي افضل شي
انتبهي تحطي فلوس كثير بملابس الخرجات لانك راح تجددي وتشتري الملابس ينمل منها
اهتمي بلبس البيت اكثر
مو شرط تروحي للماركات فيه بالمراكز بذات للبس البيت اشياء روعه وماهي غالية
اهم نقطة انك ماتروحي للسوق الا ونتي كاتبه ايش تبغي
وبالتوفيق لكي يارب الله يسعدك ويبارك بمهرك

امين الله يسعدك
بس ابي اعرف وش الاساسيات الي لازم اخصص لها مبلغ
ماعندي خبرة

- العشرة الأولى ..
# خمس آلاف خليها على جنب تماماً ( التاج + المسكة + الزفة + المصورة + الكوافير ) حطيها في ظرف ولا تلمسينها أبداً ، وزيها عند اختك امك
ان شاء الله رجلك
# الف و خمس مية خليها ( عبايات + جلابيات + قميص ليلة الدخلة ) باعتبار إن كل شيء له 500 بس ..
# الف خليها عدة شعر ( فير + استشوار + ليس + لفافات )
# المكياج إلا ما يكون عندك من قبل أشياء ما استعملتيها كثير عادي خذيها محد داري .. فيعني ألف و ميتين بتكفيك إن شاء الله للأشياء الاساسية
# الفين خليها عطور ( مجموعه فخمه " ألور شانيل مثلاً " + مجموعه من زهور الريف و طقته وترا مب لازم تشترين كل المجموعه
اشتري الاشياء اللي فعلاً تحسين إنك بتستخدمينها + عطرين فخمين أو ثلاثة .. على حسب ) وممكن يجيك هدايا وكذا ، فلا تكثرين
# خمس مية أغراض صيدلية وأبو ريالين ( كوتكس يومي وشهري ، اعواد اذان ، قطن ، شامبوات ...... إلخ )
- العشرة الثانية
# ألفين لبس بيت ( جينزات + بديات + فساتين قصيرة ..... إلخ )
# ألفين لا نجري ( بيبي دول ، كلوتات ، سنتيانات وقمصان نوم مشكلة وبجايم .. ) وعادي ترا اشتري من اماكن الرخيصه شوي ، ستي ماكس ايكونيك سنتر
والتخفيضات بعد جايه فاستغليها وما يمنع ابد تدلعين عمرك بقطعتين ثلاث حاجة مرتبة وعليها الكلام
# أربع الاف لبس الطلعة ، ونصيحة مكررة خمسين ألف مرة على مدى كل المواسم
لا تكثرين ، لا تكثرين ، لاااا تكثرررين !
# ألفين جزم وشنط ( ثلاثة كعب ، و أربعه فلات ، وصندل ) و استغلي التخفيضات بعد ، والاندلس يجي منهم حاجات حلوة و رخيص بعد على 80 و 100
الله يديم الرخص فنسي يجي منهم حاجات كيوت ومرتبه مرة سويت بلانكو جزمهم وشنطهم تجنن
الشنط عاد أنتِ ورغبتك ، وحدة عملية وثلاث رسميات مثلاً .. شوفي حاجتك يعني شلون . لأنه ما أقدر احدد لك مزبوط

- العشرة الثالثة
الفستان ، لو أنتِ من الناس اللي تبغى فستان عليه القيمة وكذا عندك محلات الفساتين عبدالواحد وبروفانوس وهالطقه
بيكلفك ممكن من خمسة إلى سبعه تقريباً .. وبيخسف بالميزانية تماماً اسواق مكة عندهم فساتين حلوة لو أنتِ بالرياض ، وإن غلى مرة مرة مرة صار 4000
أنا فستاني الحمدلله ما كلفني كثير وشيك مرة وشغل مرتب ..
فمثلاً نقول كلفك الفستان 4000 .. يبقى لك ستة ألاف
# خمس مية اكسسوار ( خواتم و اساور وخلاخيل ... الخ )
# ألف شنط سفر ، عندك الشماسي والجارلله ، وفيه كم محل بطيبة والعويس
# ألف ( صناديق + مقسمات تسريحه + شنطة الحمام ... الخ ) من سنتر بوينت والا ايكيا وعلى 40 و 30 .. يعني يا بلاش مرة
# السجادات يبغى لك 500 تقريباً ( طقمين للضيوف وواحد خاص فيك ) و تحصلينه بالعويس والا طيبة بعد انا اشتريتهم من طيبة
ما كلفني الا حول 400 وحاجة شيك ومشغوله حلوة مرة وفيه ألوان كثيرة فواتح وغوامق . حاجات حلوة لا يفوتك
يبقى لك 3000 صافي ، ممكن تشترين فيها ذهب تعليقه واساورة بما إن الذهب غالي مرة .. أو تشترين بها هدية له ولأمه



او توزينها لك بسفرتك إن شا الله و ما بعد السفرة خصوصاً أول شهر .. لأنه احتمال كبير تجيك هدايا ذهب بس عاد أنتِ واللي تبغينه . * حاولت اغطي اغلب الاشياء ، وما سقط سهواً فالسموحه




منقول

يسعدك ربي ..
وياليت الباقيات يفيدوني كمان ...

آآآآآآآآآب