فكرتي ممكن تكون حقيقة وتنجح

انا مفكره اسوي مثل اعلان ابغى فيه خمس بنات
ثنتين يكونون فنانات في الحلويات
وثنتين يكونون يعرفون لكل الطباخات صيني شرقي مقبلات اطباق رئيسية
وواحده ماهره في الشعبيات
انا زوجي يداوم بعد العصر ما يجي الا عشره بالليل
يكون دوامهم عندي في البيت من4-9 نبداء شغل من يجون الى ان ينتهي الدوام
اذا فيه مثلا طلب على بوفيه يكون اليوم كامل لشغل فيه
واذا ما فيه طلبات يسوون معجنات وحلويات ومحاشي ونبيعها اما على محلات حلويات
ولا على الزباين ارخص لهم مباشر
طبعا اكيد لازم اعلانات موسعه لان كل وحده من البنات لها اقارب ومعارف او جيران ممكن توزع الكروت بهذي الطريقة
والبنات اللي يدورون على حريم يسوون لهم وجباتهم في فترة النفاس نأمن لهم الوجبات الثلاث يوميا لمدة 40 يوم او شهر اذا بالتوصيل ولا بدون
انا مساعده فقط واسوي اعلانات وارد على المكالمات واخذ الطلبات من الزباين وزي كذا واوفر لهم الاغراض


العراقيل اللي احسها بتكون قدامي
انو البنات ما راح يقبلون انهم يجون لبيتي للعمل فيه لانه مكان خاص مو عام
الشي الثاني انو ممكن نسوي الخميس والجمعة اجازه لان زوجي في اجازة بس
احس اكثر الطلبات بتكون على الاربعا والخميس والجمعة
والثالث اني ما راح اعطي رواتب لاني ببساطه ميزانيتي محدوده الا بعد تحسن الاوضاع فهل البنات اللي بيجون بيرضون بالنسبة والنسبة راح تكون بالتساوي للجميع طبعا بعد ما نأخذ منها حق الاغراض
وايضا هل الوقت هذا المخصص كافي لعمل طبخات كثيره او لازم دوامين صباح ومساء


فكرتي دايم تدور في بالي لاني ابي اخدم نفسي والبنات معي مو معقوله بنجلس حاطين ايدينا على خدنا نستنى احد يتصدق علينا بوظيفة ولا وش الواحد يقدر يسوي مع غلاء الايجارات

اتمنى من الكل التفاعل الله يجزاكم خير وهل تأيدون الفكره ولا اشيلها من راسي وشاكره لكم