مشكلتي مع الرز؟؟

اول شي مبروك واهم شي انك ما تتعقدي وتفقدي الأمل في الطبخ وبالنسبه للرز احتمال انك زودت الما كترتيه على ما اعتقد حاولي تخففي الماء وانشاء الله البنات يفيدوك في الكبسات لإني الى الآن ما كتبت كبسات

كتاب طبخ رابحه الجزء الاول0فيه كل انواع الطبخات الرئيسيه

بس المقادير تاخذين نصها......

والرز لازم تكون المويه تغطيه بواحد سنتم بس مو اكثر وتحطين عليه

ملعقتين زيت وملح ولما يخلص غطيه بقصدير راح يطلع حبااات بدون ما يتعجن

وسلامتك
:26:

ألف شكر لكل من رد علي :26:

اول شى الف مبروك ثاني شى لا تتعقدى كلنا لها نحنوا السابقون وانتم الحقون انا اعرف وحده يوم اتزوجت سوت نفسها فالحه وقامت سوت رز ولمن جاء زوجها من العمل قامت وكلها ثقة فى نفسها وحطت الغذاء ويوم شاف زوجها داك الرز شال الصحن وقلها تعالى ومسكها من يدها وطلعها السطوح ورم الرز للحمام وقلها هذا رز للبهايم مو للبنى ادمين ومن بعدها اتعلمت الطبخ وانشاء الله اشوفك مثلها واحسن

أولاً يا fofo2

مبروووك الزواج .. والله يوفقك ويسخر لك
وترا الموضوع مايستاهل انك تشيلين همه:cook:
أنا كنت ميييييييح .. ولا شي أعرفه .. بس ربي ساعدني له الحمد والشكر:27:

طيب خذي هذي الطريقة .. وان شاء الله انك بتدعين لي :27:

لا يخوفك طول الطريقة تراها سهلة جداً .. بس أنا أحب التفاصيل :cook:

هذا رابط لطرق متنوعة للرز .. روقي عليه وخذي منه اللي تبين

ملف للطرق المختلفة للرز


الرز بمرقة الدجاج

أولاً :تحمسين لك شوي بصل في شوي زيت تقطعينه بأي شكل تريدين ان بغيتي أرباع موب مشكلة , وحتى مو ضروري تحمسينه أهم شي وجود البصل

المهم بعد ماتحمسينه تحطين الدجاجة وتصبين الموية الساخنة , وتضيفين الملح و البهارات العدلة هي : .... وإذا عندك ورق غار حطيه يعطي طعم ممتاز وبعد فيه الكزبرة الناشفة الغير مطحونة جداً ممتازة
طبعاً موب الخضراء (الكزبرة الناشفة نوع من أنواع البهارات تجي على شكل كور صغيرة أصغر من حبوب الفلفل الأسود)

بعدين خلي الدجاجة على النار ساعة إلا ثلث
في هالأثناء خذي مقدار الرز واغسليه ونقعيه شوي

طلعي الدجاجة و إذا بغيتي تحمرينها بتتبيلة معينة حطي في فنجال شوي زيت وشوي صلصة طماط وشوي بهارات مطحونة وصبي عليها شوي من مرقة الدجاجة وصبي هالخلطة على الدجاجة وحطيها في صينية فرن ودخليها الفرن ... خليه على حرارة هادئة يعني لا تحمرينها الحين وبعدين إذا بغيتي تحمرينها بس شغلي الفرن من فوق


ترا موب ضروري هالخلطة يعني ممكن تحمرين الدجاجة بدون شي
أفضل وقت للتحمير بعد ماتطلعين الدجاجة من القدر وتحطينها في صينية الفرن على طول حمريها وتكونين مشغلة فرنك على الحار من قبل وبعدين إذا بدت تتحمر طفي الفرن كل الشعلتين اللي فوق واللي تحت عشان ماتحترق الدجاجة وتحمر بقوة!

ماشي ؟؟


المهم صفي مرقة الدجاج (يعني اشخليها) وكبيها على الرز


مقابل كل كاس رز كاس ونص ماء (للرز البشاور)
لكن رز (بسمتي مزة العادي) زيدي مقدار الموية .. يعني الزائد يعادل أربع أصابع تقريباً يعني بدال الكاس ونص خليها كاسين موية لكل كأس رز تقريباً


طبعاً أنتِ الحين معليه على النار بحيث تشوفين الرز قاعد يغلي، غطي القدر وطلي عليه بعد دقيقة أو أكثر على حسب كمية الرز وإذا شفتي الرز (تخفس) يعني نزلت مويته وشفتي على وجهه خفوس .. بعدها قصري على النار مره مره وخليه نص ساعة تقريباً

المهم فيما الرز قاعد ينطبخ .... حضري الحمسة واللي هي :
بصل مقطع صغار أو شرايح حسب الرغبة
احمسيه في شوي زيت واذا تشقر حطي عليه بهارات مطحونة وملح وزعفران لأن الزعفران يعطي نكهة للحمسة وريحة حلوة. وممكن إذا بغيتي تتميلحين شوي مثل ماأسوي ان كنت رايقة أضيف شوي كمون وشوي قرفة وصلصة طماط شوي مرة وبس ...بس انتبهي لا تحترق الحمسة لأنه بسرعة يتغير لونها إذا ماحركتيها حركيها باستمرار وحطيها على طول على الرز وصكي القدر عشان يتشرب الرز الطعم والريحة.
وإذا كنتي تحبين الصنوبر تراه لذيذ فقط ماعليك إلا انك تحمسينه قبل بدون زيت وإذا تشقر طلعيه في صحن وإذا خلصتي من حمسة البصل اخلطيه معه, وإذا كنتي تحبين الحبحر (الفلفل الحار) حطي بعد بس موب مقطع

ياااااااااااااااااااااااااااااااااااارب تعجبك :32: